Ерөнхийлөгч хурдан соёолонгийн уралдаан үзэж сонирхлоо

А.Мишээл GoGo.mn

2018-07-12 14:26 GMT+8

Тулгар төрийн 2227, Их Монгол Улсын 812, Ардын хувьсгалын 97 жилийн ой, Ардчилсан хувьсгалын 29 жилийн ой, Үндэсний их баяр наадмын хурдан соёолонгийн уралдаан өнөөдөр Хүй долоон худагт боллоо.

Хурдан соёолонгийн уралдааныг Монгол Улсын Ерөнхийлөгч Х.Баттулга, Улсын Их Хурлын дарга М.Энхболд, Ерөнхий сайд У.Хүрэлсүх, Монгол Улсын Ерөнхийлөгчийн Тамгын газрын дарга З.Энхболд тэргүүтэй УИХ, Засгийн газрын гишүүд үзэж сонирхов.

Соёолон насны морьдын уралдаанд 280 гаруй хурдан буян бүртгүүлж, Хөвсгөл аймгийн Рашаант сумын уяач Амарсанаагийн Билгүүдэйн хонгор халзан үрээ түрүүлж, торгон жолоогоо өргүүлэв. Аман хүзүүнд Завхан аймгийн Завханмандал сумын уяач Цэрэндоржийн Мөнххуягийн цавьдар үрээ, айргийн гуравт Хөвсгөл аймгийн Цагаан-Уул сумын Доржпүрэвийн Ганхуягийн хээр үрээ хурдалж унасан хүүхэд, уясан эзнээ баярлууллаа.

GoGo Facebook Хуудас
 
 
ЖДҮ-ийн сангаас зээл авсан гэж үзэж буй УИХ-ын гишүүд, Сайд нарт ямар хариуцлага тооцох нь зүйтэй гэж та бодож байна?
Нийт 2685 санал өгсөн байна.

Дээшээ