Н.Батсуурь Ч.Санжаадамбаар ес давж, УЛСЫН АВАРГА боллоо


2018-07-12 20:00 GMT+8
Гэрэл зургийг Д.Жавхлантөгс

Хүчит бөхийн барилдааны наймын даваа эхэллээ.

Хугацаагаар эрэмбэлж харах :
20:59 2018-07-12

Улсын арслан Н.Батсуурь улсын аварга Ч.Санжаадамбаар ес давж, УЛСЫН АВАРГА цолны болзол хангалаа. Яг одоо улсын аварга цолыг гардуулж байна. Увс аймгийн Ховд сумын харьяат Намсрайжавын Батсуурь ийнхүү 31 насандаа УЛСЫН АВАРГА цолтон боллоо. Тэрбээр 1987 онд төрсөн. 2007 онд аймгийн начин, 2011 онд аймгийн арслан, 2013 онд улсын харцага, 2014 онд улсын харцага цолыг хүртсэн. Хоёр жилийн өмнө тэрбээр төрийн наадамд 8 давж байсан юм. 

20:17 2018-07-12

Хүчит бөхийн барилдааны есийн даваа эхлэх гэж байна. Хоёр бөхийн улсын наадмаар барилдсан хугацааг сонирхуулж байна. Улсын аварга Ч.Санжаадамба нийт 114 минут 15 секунд барилдсан бол улсын арслан Н.Батсуурь 139 минут 38 секунд барилджээ. 

20:10 2018-07-12

20:05 2018-07-12
1 | 16 фото
1
1
1
1
1
1
1
1
1
1
1
1
1
1
1
1
20:02 2018-07-12

Улсын арслан Н.Батсуурь улсын заан Н.Жаргалбаяраар найм давж, үзүүр түрүүнд үлдлээ. Хоёр бөх цаг гаран буюу нийт 64 минут барилджээ. 

19:40 2018-07-12
1 | 8 фото
1
1
1
1
1
1
1
1
19:39 2018-07-12

Архангай аймгийн Хашаат сумын харьяат Ч.Санжаадамба Увс аймгийн Баруунтуруун сумын харьяат улсын аварга С.Мөнхбатаар найм давж, үзүүр түрүүнд үлдлээ. 

19:31 2018-07-12

Улсын их баяр наадмын наймын даваа үргэлжилж байна. Наймын даваанд дараах бөхчүүд үлдээд байна.

Увс аймгийн Баруунтуруун сумын харьяат улсын аварга Сүхбаатарын Мөнхбат 1984 онд төрсөн. 2005 онд аймгийн заан цол, 2009 онд улсын начин, 2010 онд улсын харцага, 2011 онд улсын аварга цолыг хүртсэн. Өнгөрсөн жилийн улсын наадмаар зургаа давж байсан юм.

Архангай аймгийн Хашаат сумын харьяат Чимэдрэгзэнгийн Санжаадамба 1985 онд төрсөн. 2002 онд сумын заан цолны эзэн болсон бол есөн жилийн дараа улсын цолонд хүрч, хоёр жилийн өмнө улсын аварга цол хүртсэн байна.

Увс аймгийн харьяат Намсрайжавын Батсуурь 1987 онд төрсөн. 2007 онд аймгийн начин, 2011 онд аймгийн арслан, 2013 онд улсын харцага, 2014 онд улсын харцага цолыг хүртсэн.

Сэлэнгэ аймгийн харьяат Нэгдэлийн Жаргалбаяр 1991 онд төрсөн. 2011 онд сумын заан, 2012 онд аймгийн начин, 2013 онд аймгийн арслан, 2016 онд улсын харцага, 2017 онд улсын заан цолыг тус тус хүртсэн.

18:59 2018-07-12

Ч.Санжаадамба С.Мөнхбат нар таван удаа таарч барилдаж байснаас гуравт нь Ч.Санжаадамба давж байсан.

18:56 2018-07-12

Хүчит бөхийн барилдааны наймын даваа эхэллээ. Улсын аварга Ч.Санжаадамба улсын аварга С.Мөнхбатыг амалж, улсын арслан Н.Батсуурь, улсын заан Н.Жаргалбаяр нар туналаа.

GoGo Facebook Хуудас
 
 
У.Хүрэлсүх 2017 оны аравдугаар сарын 4-нд Ерөнхий сайд болсон. Түүний тэргүүлсэн Засгийн газрын үйл ажиллагаанд Та ямар дүгнэлт өгөх вэ?
Нийт 1226 санал өгсөн байна.

Дээшээ