Монголын шигшээ баг кэндогийн ДАШТ-д оролцож байна


2018-09-14 09:30 GMT+8

Японы сэлмийн тулааны урлаг болох кэндогийн дэлхийн аварга шалгаруулах тэмцээн өнөөдөр БНСУ-ын Инчён хотод эхэллээ. 

Энэ удаагийн ДАШТ-д оролцох Монголын шигшээ 17 хүний бүрэлдэхүүнтэй БНСУ-г зориод байна.

Манай шигшээ багийн хоёр дахь удаа оролцож буй ДАШТ бөгөөд өнөөдөр эрэгтэйчүүдийн ганцаарчилсан төрлөөр тэмцээн эхэлж байгаа юм. Харин маргааш эмэгтэй ганцаарчилсан, бямба гарагт эрэгтэй, эмэгтэй багийн төрөл болно.

17 дахь удаагийн кэндогийн ДАШТ-д манай улсаас таван клубын 13 тамирчин, 4 менежерийн бүрэлдэхүүнтэй оролцож байна. Гурван жил тутамд зохион байгуулдаг ДАШТ-д оролцох шигшээ багийн бүрэлдэхүүнийг сар бүр зохион байгуулдаг сорил тэмцээний үр дүнгээр гаргасан чансаанд үндэслэн гаргадаг. Бүрэлдэхүүнийг танилцуулбал,

Эрэгтэй:

  • Т.Чинзориг (Чикара кэндо клуб),
  • Э.Уртнасан (Монгол клуб),
  • Д.Чинбилэгт (Чикара кэндо клуб),
  • Г.Наранболд (Улаанбаатар кэндо клуб),
  • А.Нямжав (Чикара кэндо клуб),
  • Ц.Бат-Эрдэнэ (Улаанбаатар кэндо клуб),
  • Б.Алтангэрэл (Монгол клуб)

Эмэгтэй:

  • М.Сарантуяа (Чикара кэндо клуб)
  • Б.Уянга (Бэйс кэндо клуб)
  • Б.Мөнхзаяа (Чикара кэндо клуб)
  • Б.Сарангэрэл (Оргил кэндо клуб)
  • Э.Цогнэмэх (Улаанбаатар кэндо клуб)
  • Г.Уранбилэг (Оргил кэндо клуб) тус тус оролцож, дасгалжуулагчаар Р.Батдорж ажиллаж байна.
GoGo Facebook Хуудас
 
 
test
Нийт 42 санал өгсөн байна.

Дээшээ