ФОТО: Зохиолчидтой уулзаж, гарын үсэгтэй номыг нь худалдан авах боломжтой номын баяр эхэллээ

Сэтгүүлч Э.Энхмаа

2018-09-14 13:20 GMT+8

Үндэсний номын баяр өнөөдөр Төв талбайд эхэллээ. Есдүгээр сарын 14, 15-ны өдөр үргэлжлэх номын үзэсгэлэн худалдааны үеэр номын дэлгүүрүүд болон зохиолчид номоо хямдралтай үнээр худалдаалахаас гадна зохиолчид уншигчидтайгаа уулзаж ярилцан, гарын үсэгтэй номыг нь худалдан авах боломж гардаг юм. 

Соёлын гавьяат зүтгэлтэн, Төрийн тэргүүн дээд шагнал "Чингис хаан" одонт, яруу найрагч Г.Мэнд-Ооёо, Монголын зохиолчдын эвлэлийн Удирдах зөвлөлийн дарга, Соёлын гавьяат зүтгэлтэн, зохиолч До.Цэнджав, Соёлын гавьяат зүтгэлтэн Ж.Саруулбуян, орчуулагч Ж.Нэргүй нарын олон зохиолч бүтээлүүдээ дэлгэн, уншигчидтай ном зохиолынхоо талаар яриа хөөрөө болон сууцгаана.
Монголын зохиолчдын эвлэлээс өөрийн архивт хадгалагдаж байсан 1940-өөд оноос эхлэн 1990-ээд он хүртэлх хугацаанд хэвлэгдсэн хуучин номнуудыг 500, 1000, 2000, 6000 төгрөгөөр үнэлэн худалдаж байв. Тэнд ном сонирхогч оюутан залуус, ахмадууд хуучны ном олноор нь ялган, худалдан авч байлаа. 
МЗЭ архивынхаа хуучин номнуудыг 500, 1000, 2000, 6000 төгрөгөөр худалдаж байна.

Номын баярт зориулж “Интер ном” их дэлгүүр 20-50 хувь, “Аз хур”, “Мир” номын их дэлгүүр өөрийн хэвлэсэн номнууддаа баасан, бямба гарагт 20 хувийн хямдрал зарлаж, хямдралтай номнуудаа Сүхбаатарын талбайд худалдаж байна.

"Интер ном" их дэлгүүр номнуудаа хоёр өдөр 20-50 хувь хямдрууллаа.
"Аз хур" их дэлгүүр өнөөдрөөс энэ сарын 18-ныг хүртэл Сэлэнгэ, Дархан-Уул аймаг болон Зүүнхараа, Баруунхараад хуваарийн дагуу номнуудаа 72 хувийн хямралтай үнээр худалдаалж, орон нутгийн оюунлаг уншигчдадаа бэлэг барьж буй юм. 
 

Гэрэл зургийг Д.Жавхлантөгс

GoGo Facebook Хуудас
 
 
Хотын дарга Су.Батболдын ажлыг Та хэрхэн дүгнэх вэ?
Нийт 1673 санал өгсөн байна.

Дээшээ