Монгол Улс 2018 оны эхний 9 сард 27 сая тонн нүүрс экспортолжээ

Bloomberg TV Mongolia

2018-10-11 15:05 GMT+8
Гашуунсухайт боомтын нэвтрэх хүчин чадал есдүгээр сараас хойш эрс сайжирчээ. Зургийг: С.Батсайхан

Монгол Улс оны эхний есөн сард 27 сая тонн нүүрс экспортолсон нь жилийн өмнөхөөс зургаан хувиар өссөн дүн болж байна. Харин нэг тонн нүүрсний дундаж ханш 16 хувиар өсөж, 78.5 ам.доллар болсон талаар Гаалийн ерөнхий газар мэдээллээ.

Ирэх онд 42 сая тонн нүүрс экспортолно гэж Сангийн яам 2019 оны төсвийн төсөлдөө тусгажээ. Гаалийн хяналтын шинэчлэлийг хийснээр экспортоо нэмэх боломжтой гэж Сангийн сайд Ч.Хүрэлбаатар үзэж байна.

Одоогоор зургаан боомтын нэвтрэх чадвар, хяналтыг сайжруулж байгаа аж. Гашуунсухайт боомтын нэвтрэх хүчин чадал есдүгээр сараас хойш эрс сайжирч, өдөрт 1250-1350 машин нүүрс ачин гарч байгаа гэж “Гашуунсухайт авто зам” ХХК-ийн Гүйцэтгэх захирал Ц.Болд мэдэгдлээ.

Он гарснаас хойш Гашуунсухайт боомтоор нийт 14 сая тонн нүүрс экспортолжээ. БНХАУ-ын талтай ямар зөвшилцөлд хүрэх вэ гэдгээс Монголын нүүрсний экспорт хамаарна гэж Дэлхийн банкны ахлах эдийн засагч Жон-Паскаль Нгану “Bloomberg”-т өгсөн ярилцлагадаа онцолсон юм.

Т.Элиса

GoGo Facebook Хуудас
 
 
Хотын дарга Су.Батболдын ажлыг Та хэрхэн дүгнэх вэ?
Нийт 1677 санал өгсөн байна.

Дээшээ