Усны конвенцийн талуудын хуралдаанд БОАЖЯ-ны төлөөлөгчид оролцож байна

Энэ мэдээг шинэ хувилбараар унших бол арын товч дээр дарна уу
GoGo.mn

2018-10-12 16:25 GMT+8

Казахстан Улсын нийслэл Астана хотноо энэ сарын 10-12-ны өдрүүдэд Хил дамнасан ус болон олон улсад хамаарах нууруудыг ашиглах, хамгаалах тухай конвенцийн талуудын зөвлөлийн VIII хуралдаан болж байна.

Хуралдаанд манай улсаас Байгаль орчин, аялал жуулчлалын яамны Төрийн нарийн бичгийн дарга Ц.Цэнгэл тэргүүтэй төлөөлөгчид оролцож байгаа юм.

Конвенцид оролцогч талууд, олон улсын болон төрийн бус байгууллага, эрдэм шинжилгээний байгууллагын 400 гаруй төлөөлөгч цугларч, санал солилцжээ

Улс орнуудын ус, гадаад харилцаа, хөгжлийн хамтын ажиллагааг хариуцсан яамд, Конвенцид оролцогч талууд, олон улсын болон төрийн бус байгууллага, эрдэм шинжилгээний байгууллагын 400 гаруй төлөөлөгч цугларч, санал солилцжээ.

Усны хэрэглээ жил ирэх бүр өсөн нэмэгдэж, усны хүртээмж эсрэгээрээ буурч байна. Олон талт хамтын ажиллагааны үндсэн дээр хил дамнасан усны нөөцийг зохистой ашигла‭х, хамгаалах нь‭ ‬энх‭ ‬тайван,‭ тогтвортой‭ ‬байдал,‭ ‬эдийн‭ ‬засгийн‭ ‬өсөлт, хөгжил, тогтвортой хөгжлийг хангахад нэн чухал‭ ‬үүрэгтэй‭ ‬юм.

Усны конвенци нь Тогтвортой хөгжлийн зорилтуудыг хэрэгжүүлэхэд онцгой хувь нэмэр оруулах ач холбогдолтойг хуралдаанд оролцогчид онцоллоо.

Хуралдааны үеэр БОАЖЯ-ны Төрийн нарийн бичгийн дарга Ц.Цэнгэл Казахстан улсын Хөдөө аж ахуйн дэд сайд Ерлан Нысанбаев, Европын эдийн засгийн комиссын Байгаль орчны газрын захирал Марко Кейнер нартай уулзаж, хоёр талын хамтын ажиллагаа болон харилцан сонирхсон бусад асуудлаар санал солилцов гэж БОАЖЯ-наас мэдээллээ.

GoGo Facebook Хуудас
 
 
Өргөн хэрэглээний, нэг удаагийн гялгар уутыг худалдаанд гаргах, хэрэглэхийг хориглосон шийдвэр гуравдугаар сарын 1-нээс хэрэгжинэ. Та гялгар уутны хэрэглээгээ багасгаж эхэлсэн үү?
Нийт 1918 санал өгсөн байна.

Дээшээ