“Оюутолгой”-н ашиг гурав дахин буурчээ

Засгийн газрын мэдээ

2018-11-06 16:30 GMT+8

“Оюутолгой”­-н хөрөнгө оруу­лагч Turquoise Hill Resources компани энэ оны III улирлын санхүүгийн тайлангаа танил­цууллаа. Тайлант хугацаанд тус компанийн ашиг 15.2 сая ам.доллар болсон нь өнгөрсөн оны мөн үеэс гурав дахин буурсан үзүүлэлт болов. III улиралд “Оюутолгой”-­н баяжмал дахь зэсийн гарц жилийн өмнөхөөс 6.8 хувиар өсөж, 39 мянга 400 тонн болсон байна.

Харин баяжмал дахь алтны гарц 148.4 хувиар өсөж, 77 мянган унц болсон талаар Turquoise Hill Resources мэдээллээ. Тайлант хугацаанд олборлосон баяжмал дахь алтны агууламж өндөр байсан байна.

Ингэснээр орлого нь 246.5 сая ам.доллар хүрч, 2017 оны мөн үетэй ойролцоо гарчээ.

Тус компанийн 2018 онд үйл ажиллагаандаа зарцуулах бэлэн мөнгөний зардал 700 сая ам.доллар байсныг 800 сая болгон нэмэгдүүлсэн байна. Борлуулалтын орлого өссөнтэй холбоотойгоор тээвэр, рояалти зардал өссөн нь үүнд нөлөөлжээ. Харин цэвэр ашиг нь өнгөрсөн оны III улиралд 47.7 сая ам.доллар байсан бол энэ онд 15.2 сая ам.доллар болж, гурав дахин багассан байна.

Энэ нь тайлан баланстаа хойшлогдсон татварын хөрөнгөө тооцож оруулсантай холбоотой ажээ. Үүнээс гадна гүний уурхайд гарсан галын шалтгааныг тодруулахаар австралиас шинжээчид авчран ажиллуулж байгаа гэсэн мэдээллийг “Оюуолгой” өгөөд байна. Одоогоор II босоо амны бүтээн байгуулалтын ажлыг үргэлжлүүлэн хийж байгаа аж.

“Оюу толгой”­-н гүний уурхайд III улиралд 304.8 сая ам.доллар зарцуулсан бөгөөд ингэснээр 2016 оноос 2018 оны есдүгээр сарын 30-­ны хооронд нийт 1.9 тэрбум ам.долларыг гүний уурхайд зарцуулжээ.

Төслийн бүтээн байгуулалтын ажлыг 2022 онд бүрэн дуусгаж, тэр хүртэл нийт 5.3 тэрбум ам.доллар зарцуулахаар төсөвлөсөн байна. Түүнчлэн Засгийн газар­тай хийж буй хэлцлүүдээс “Оюутолгой” төслийн эрчим хүчний хэрэглээг хангах цахилгаан станцын асуудал яригдаж байна.

“Тавантолгойд цахилгаан станц барихаар зарчмын тохиролцоонд хүр­сэн” гэж ЗГХЭГ-­ын дарга Г.Занданшатар мэдээлсэн юм. Энэ талаар “Хэлэлцээ үргэлжилж байгаа” гэж Turquoise Hill Resources мэдээллээ.

 

GoGo Facebook Хуудас
 
 
УИХ-ын гишүүн Д.Хаянхярваагийн санаачилгаар нэр бүхий 27 гишүүн У.Хүрэлсүхийн Засгийн газрыг огцруулах шаардлагатай гэж үзэн, тогтоолын төсөл өргөн барилаа. Таны бодлоор Засгийн газрыг огцруулах нь зөв үү?
Нийт 3311 санал өгсөн байна.

Дээшээ