2018.11.06 Өнөөдрийн онцлох таван үйл явдал

Э.Онон GoGo.mn

2018-11-06 17:53 GMT+8

У.Хүрэлсүх: Гишүүд авсан зээлээ төлж, ард түмнээс уучлалт хүсэхээс нааш дахин нэр дэвшүүлэхгүй   

УИХ-ын чуулганаар ХХААХҮ-ийн сайдыг огцруулах асуудлыг хэлэлцэх үеэр Ерөнхий сайдын хэлсэн үгийг хүргэж байна. 

Ерөнхий сайд У.Хүрэлсүх: Ард түмний итгэлийг дааж чадахгүй байгаа бол энэ Их хурал, ЗГ-т ажиллах эсэх тухай асуудал ярих цаг нь болсон. Харлаа, хүлээлээ, тэслээ засах гэж янз янзаар оролдлоо. Үр дүнд хүрэхгүй байгаа. 

ЖДҮ-ийн сангаас зээл авсан гишүүдийг ард түмнээсээ уучлалт гуйж, зээлээ төлөхөөс нааш дахин нэр дэвшүүлэхгүй, улс төрд Ардын намын өмнөөс барилдахгүй шүү гэдгийг би дахин хэлье. Тийм учраас би тун удахгүй намынхаа олон түмнээс дэмжлэг хүснэ. Хэрэв өөрчлөлт шинэчлэлтийг би хийж чадахгүй бол ард түмнээсээ дэмжлэг хүснэ. Ингээд болохгүй бол би өөрөө огцорно. 

Ерөнхий сайд болохдоо хэлсэн үгээ мартаагүй байна. Би айхгүй байна, амь насаа алдахаас ч айхгүй байна. Харин би ард түмнийхээ итгэл найдвар алдрахаас л айж байна гэж хэлсэн. Энэ итгэл найдварын төлөө ажиллах цаг болсон, хариултыг нь ч өгөх цаг болсон гэж бодож байна гэв.

Ухаангүй удирдагчдын балгаар улсаа дампууруулсан ВЕНЕСУЭЛИЙН ЭМГЭНЭЛ

Нэг хүнд ногдох ДНБ-ээрээ Латин Америкийн орнуудаас хамгийн баян орон гэгддэг байсан, газрын тосны асар их баялагтай Венесуэл улсад өнөөдөр эдийн засаг, улс төрийн хямрал туйлдаа хүрээд байна. Сүүлийн 10 гаруй жилийн турш хямрал нүүрлэж улмаар 2017 онд тус улс зээлээ эргэн төлөх чадваргүй болсон юм.

Венесуэл байнгын цахилгааны хэрэглээний эх үүсвэргүй болсон тул цогцос хадгалах газарт  байгаа цогцсууд илжирч, өлсгөлөнд нэрвэгдсэн хүмүүс өмхийрсөн мах идэн амиа зогоож байна. Гудамжинд хүүхэд, хөгшчүүлийн хүнсийг булааж зугтаах үзэгдэл хэвийн болж, хүнсний дэлгүүрүүдийн лангуу хоосорчээ. Венесуэлийн ард иргэд туйлдаж улс орондоо нүүрлээд буй эдийн засаг, улс төрийн үймээн самуунаас зугтан гадаад руу олноороо дүрвэж байна.

Нэг хүний эрх мэдэл, социалист бодлого, сул удирдлага, хээл хахуульд автсан нийгэм...

Дэлгэрэнгүй мэдээллийг ЭНД дарж уншина уу.

ЧУУЛГАН: ХХААХҮ-ийн сайд Б.Батзоригийг үүрэгт ажлаас нь чөлөөллөө

УИХ-ын чуулганы өнөөдрийн хуралдаанаар БОХХААБХ-ноос өргөн мэдүүлж буй ХХААХҮ-ийн сайд Б.Батзоригийг үүрэгт ажлаас нь чөлөөлөх тухай асуудлыг хэлэлцэн шийдвэрлэлээ.

Гишүүд асуулт тавьж, үгээ хэлсний дараа санал хураалт явуулахад гишүүдийн олонх нь Б.Батзоригийг үүрэгт ажлаас нь чөлөөлөхийг дэмжлээ.  Ийнхүү У.Хүрэлсүхийн ЗГ хоёр дахь сайдаа үдэж байна.

Гишүүдийн байр суурийг хүлээн авна уу.

ТЭМДЭГЛЭЛ: Дэлхийн 8 дахь гайхамшиг буюу газар дороос олдсон эрдэнэс

1974 онд нэгэн тариачин өвгөн худаг гаргахаар нүх ухаж байхад шавар хүн гарч ирсэнд ихэд гайхжээ. Тэр нүхнээс нь ус ч гарсангүй тул хөшөөг муугийн хорлол хэмээн үзэж нутгийн хүмүүс дүүжилж хэмхэлсэн байна.

Үнэндээ тариачин өвгөний олж авсан тэр хөшөө газар дороос олдсон жинхэнэ эрдэнэс байсан юм. Шаньси муж дахь Хятадын эртний зургаан гүрний нийслэл байсан Шиань хотын  2009 оноос эхлэн дэлхий нийтэд нээлттэй болсон уг цогцолбор газрыг жил бүр 1 сая гаруй жуулчин үздэг. CNN агентлагийн бичсэнээр 2014 онд 4.6 тэрбум юань /720 сая доллар-2015 оныхоор/ олсон бол өөр нэгэн мэдээлэлд бүхэлдээ Шиань хотыг 2016 он гэхэд 150 сая жуулчин зорьж 120 тэрбум юанийн /17.2 тэрбум доллар/ орлого оруулсан байна. 

Тэмдэглэлийг ЭНД дарж уншина уу. 

Гэмтлийн эмнэлгийн урд авто зам дагуух явган хүний замыг чөлөөллөө

Баянгол дүүргийн 6, 7 дугаар хороо Жамсранжавын гудамж буюу Гэмтлийн эмнэлгийн урд авто зам дагуух явган хүний зам талбайг чөлөөллөө.

Тухайн хэсэгт нийт 23 иргэн, хуулийн этгээд эзэмшил газраа хэтрүүлэн хашаа барьсан байсан бөгөөд албадан буулгах ажил хийсэн талаар Нийслэлийн газрын албанаас мэдээллээ.

 

 

GoGo Facebook Хуудас
 
 
ЖДҮ-ийн сангаас зээл авсан гэж үзэж буй УИХ-ын гишүүд, Сайд нарт ямар хариуцлага тооцох нь зүйтэй гэж та бодож байна?
Нийт 3160 санал өгсөн байна.

Дээшээ