Б.Шаравын "Чингис хаан" дуурийг маргааш тоглоно

А.Мишээл GoGo.mn

2018-11-07 12:49 GMT+8

Төрийн шагналт Б.Шаравын "Чингис хаан" дуурийг маргааш 16:00 цагт Улсын дуурь бүжгийн эрдмийн театрын тайзнаа тоглох гэж байна.

Энэхүү хоёр бүлэг зургаан үзэгдэлт дуурийн анх 2003 оны тавдугаар сарын 3-ны өдөр тоглож байжээ. Дуурийн цомнолыг АУЗ П.Бадарч бичсэн ба Их Чингис хааны 1171-1189 он хүртэлх амьдрал, эв нөхөрлөл, тэмцэл тулалдааныг үзүүлдэг байна.

Чингис хаан бага балчир насандаа өнчрөл, хагацал, зовлон зүдгүүр, бусдад басамжлагдах, доромжлогдох, баригдах тавигдахын бэрхийг үзсэн ч эх Өүлэний сургаал, өөрийн хатан зориг, мохошгүй тэмцэл, ухаанаараа Их гүрнээ байгуулж, хамаг Монгол улсаа сэргээн мандуулж, Их тулгар төрийг байгуулсан тухай дуурь юм.

Удирдаач Ж.Бүрэнбэх, найруулагч Л.Эрдэнэбулган, Зураач Ч.Гунгаасүх нар анх бүтээсэн болно. 
Өнгөрсөн 53 дахь улиралд буюу 2016 оны зургаадугаар сард УГЗ Ч.Найдандорж шинэчлэн найруулж, удирдаач Н.Туулайхүү ажиллажээ.

Хоёр бүлэг, зургаан үзэгдэлт дуурь

  • Хөгжим: Б.Шарав
  • Цомнол: П.Бадарч
  • Удирдаач: Ж.Бүрэнбэх
  • Найруулагч: Л.Эрдэнэбулган
  • Ерөнхий зураач: АЗЧ.Гунгаасүх 

Гол дүрүүд:
Тэмүүжин (баритон)
Өүлэн эх (меццо-сопрано)
Бөртэ үжин (сопрано)
Жамуха (тенор)
Ван хан (бас)
Хасар (тенор)
Хуагчин (меццо-сопрано)
Хирэлтуг (баритон)
Сорхан шар (бас-баритон)
Билгүтэй (баритон)
Боорчи (бас)
Сохатай (меццо-сопрано)
Орбай (сопрано)
Хадаан (сопрано)
Тэнүүлч I (баритон)
Тэнүүлч II (тенор)
Чирхай (баритон)
Мэнлиг эцэг (бас)
Сочигэл (сопрано)
Эргүүлийн ахлагч (тенор)
Эргүүлийн туслах (баритон)
Эргүүлийн цэрэг (баритон)
Дорой хөвгүүн (тенор)
Жарчуудай (тенор)
Цотон (сопрано)
Зэв (баритон)
Зэлмэ (тенор)
Мэдээч (баритон)
Хаатай Дармала (баритон)
Хөөмийч
Найрал дуучид, балетын жүжигчид оролцон тоглож, симфони найрал хөгжим хөгжимдөнө.

Соёл урлагийг дэмжигч GoGo  мэдээний агентлаг

GoGo Facebook Хуудас
 
 
УИХ-ын гишүүн Д.Хаянхярваагийн санаачилгаар нэр бүхий 27 гишүүн У.Хүрэлсүхийн Засгийн газрыг огцруулах шаардлагатай гэж үзэн, тогтоолын төсөл өргөн барилаа. Таны бодлоор Засгийн газрыг огцруулах нь зөв үү?
Нийт 3338 санал өгсөн байна.

Дээшээ