БНХАУ-ын тэнгисийн хайгуулын багийнхан Номхон далайд 138 өдөр судалгаа хийсний дүнд кобальт агуулсан хүдрийн дээж олсон талаар “Хinhua” агентлаг мэдээллээ.
Энэ нь 30 см-ээс илүү зузаантай хүдрийн дээж олдож байгаа анхны тохиолдол болж байгааг Гуанжоугийн далай, тэнгис геологийн судалгааны багийнхан онцолсон байна. Одоогоор далайн гүнийн 30 гаруй талбайд кобальт илрүүлээд байгаа аж.
БНХАУ-ын мэргэжилтнүүдийн илрүүлээд байгаа хүдэрт кобальтаас гадна титан, никель, цагаан алт, молибден болон бусад газрын ховор элемент агуулагдаж байгаа юм байна. Стратегийн ач холбогдол бүхий ашигт малтмалын нийлүүлэлтийг тогтвортой байлгах зорилгоор БНХАУ сүүлийн үед далай, тэнгис дэх судалгааг идэвхжүүлж байгаа юм.
Кобальт нь цахилгаан автомашины цэнэг хураагуур хийхэд ашиглагддаг гол түүхий эдэд тооцогддог. Тиймээс автомашины хамгийн том зах зээл болох БНХАУ-ын компаниуд сүүлийн үед кобальт олборлох төслүүдэд хөрөнгө оруулах нь нэмэгджээ. Одоогоор Конго улс кобальтын үйлдвэрлэлээр дэлхийд тэргүүлж байгаа юм.
М.Золбоо
БНХАУ-ын тэнгисийн хайгуулын багийнхан Номхон далайд 138 өдөр судалгаа хийсний дүнд кобальт агуулсан хүдрийн дээж олсон талаар “Хinhua” агентлаг мэдээллээ.
Энэ нь 30 см-ээс илүү зузаантай хүдрийн дээж олдож байгаа анхны тохиолдол болж байгааг Гуанжоугийн далай, тэнгис геологийн судалгааны багийнхан онцолсон байна. Одоогоор далайн гүнийн 30 гаруй талбайд кобальт илрүүлээд байгаа аж.
БНХАУ-ын мэргэжилтнүүдийн илрүүлээд байгаа хүдэрт кобальтаас гадна титан, никель, цагаан алт, молибден болон бусад газрын ховор элемент агуулагдаж байгаа юм байна. Стратегийн ач холбогдол бүхий ашигт малтмалын нийлүүлэлтийг тогтвортой байлгах зорилгоор БНХАУ сүүлийн үед далай, тэнгис дэх судалгааг идэвхжүүлж байгаа юм.
Кобальт нь цахилгаан автомашины цэнэг хураагуур хийхэд ашиглагддаг гол түүхий эдэд тооцогддог. Тиймээс автомашины хамгийн том зах зээл болох БНХАУ-ын компаниуд сүүлийн үед кобальт олборлох төслүүдэд хөрөнгө оруулах нь нэмэгджээ. Одоогоор Конго улс кобальтын үйлдвэрлэлээр дэлхийд тэргүүлж байгаа юм.
М.Золбоо