БНХАУ АНУ-аас шар буурцаг, шингэрүүлсэн байгалийн хий дахин импортлохоор зэхэж байна

Энэ мэдээг шинэ хувилбараар унших бол арын товч дээр дарна уу
BloombergTV.mn

2018-12-06 14:20 GMT+8

АНУ-тай хийсэн тохиролцооны хүрээнд БНХАУ-ын Засгийн газар шаардлагатай арга хэмжээнүүдийг цаг алдалгүй авч эхэлнэ гэж тус улсын Худалдааны яам мэдэгдлээ. Мөн тохиролцсоны дагуу 90 хоногт худалдааны хэлэлцээгээ эрчимжүүлэхээ онцолсон байна.

Ийнхүү БНХАУ-ын талаас анх удаа албан мэдэгдэлдээ 90 хоногийн талаар дурдсан ч нөхцөлүүдийн талаар тайлбар өгөөгүй аж. АНУ-ын Ерөнхийлөгч Дональд Трамп, БНХАУ-ын Ерөнхийлөгч Ши Жиньпин нар өнгөрсөн бямба гарагт уулзалт хийснээс хойших хоёр талын албан мэдэгдэл хоорондоо харилцан адилгүй байснаас гадна АНУ-ын эрх баригчдын тайлбар ч хоорондоо зөрчилдөж байсан нь эргэлзээ үүсгээд байсан юм.

Эхний байдлаар БНХАУ АНУ-аас авах шар буурцаг, шингэрүүлсэн байгалийн хийн импортоо эргэн сэргээхээр бэлтгэж эхэлсэн талаар эх сурвалж мэдээллээ. Гэхдээ импорт чухам хэзээнээс эхлэх, мөн БНХАУ өмнө нь ногдуулсан тарифаа цуцлах шийдвэр гаргах эсэх нь тодорхойгүй байна.

АНУ БНХАУ-ын импортод тариф ногдуулсны дараа БНХАУ хариу арга хэмжээ болгон шар буурцаг болон шингэрүүлсэн байгалийн хийн импортод тариф ногдуулсан юм. Улмаар эдгээр бүтээгдэхүүний худалдаа огцом буураад байгаа ажээ.

Н.Номин-Эрдэнэ

GoGo Facebook Хуудас
 
 
УИХ дахь МАН-ын бүлгийн гишүүд УИХ-ын гишүүдийн тоог 99 болгон нэмье гэж санал нэгдэв. Харин АН-ын зөвлөл болон Ерөнхийлөгч 108 байх ёстой гэсэн юм. Таны бодлоор УИХ-ын гишүүдийн тоо хэд байх нь зөв бэ?
Нийт 199 санал өгсөн байна.

Дээшээ