2018.12.07 Өнөөдөр болсон онцлох ТАВАН ҮЙЛ ЯВДАЛ

Б.Сондор GoGo.mn

2018-12-07 17:40 GMT+8

"O Couture" "Wonderland" үдшийн гоёлын даашинзны загварын шоу 

Нарийн гар ажиллагаатай хээнцэр, тансаг гоёлын даашинзуудаа урлан жил бүрийн шинэ жилийн өмнөхөн танилцуудаг“O Couture”  брэндийн хамт олон энэ сарын 1-нд Зайсан Хиллд "Wonderland" үдшийн гоёлын даашинзны загварын шоугаа танилцуулсан билээ. 

Тус брэндийг үүсгэн байгуулагч загвар өмсөгч Э.Энхболд болон түүний гэргий Азийн шилдэг дизайнер Д.Отгонжаргал нар тав дахь жилдээ уг шоугаа толилуулсан бөгөөд цаашдаа түр завсарлахаа хэлсэн юм. "Wonderland" үдшийн гоёлын даашинзны загварын шоуны ФОТО мэдээллийг ЭНД дарж үзнэ үү. 


Фүкүо Томохиро: “Би заана, чи сонс” гэх багшийн хандлага хүүхдийн сурах эрмэлзлийг мохоодог

БСШУСЯ нь ЖАЙКА олон улсын байгууллагатай хамтран боловсролын тогтвортой байдлыг хангахад хувь нэмэр оруулах зорилготой хэрэгжүүлж буй “Суралцахуйг дэмжих мэргэжлийн байгууллагын чадавхыг бэхжүүлэх” төслийн хүрээнд “ЕБС-ийн сургалтын хөтөлбөрийг боловсронгуй болгох аргачлал”-ыг 2016 оноос эхлэн эрдэмтэн судлаач, мэргэжилтнүүд хамтран боловсруулжээ.

Энэхүү аргачлалыг боловсруулахдаа өнгөрсөн хугацаанд боловсролын салбарт хийгдсэн шинэчлэлийн үйл явцад дүн шинжилгээ хийж, цаашдын хөгжлийн гарц, тогтвортой байдлыг хангахуйц байдлаар боловсруулжээ. Мөн энэ хүрээнд Хөтөлбөрийн Менежментийн Циклийг (ХМЦ) хэрэгжүүлж Монгол улсын сургалтын хөтөлбөрийг шинэчлэх тогтолцоог нэвтрүүлэх аж. Ингэснээр өмнөх жилүүдийн алдааг засах гүйцэтгэх, сайжруулах аргачлалаар хөтөлбөрийг шинэчлэх үйл явцыг зохион байгуулна.

Бид энэ талаар ЖАЙКА олон улсын байгууллагын “Суралцахуйг дэмжих мэргэжлийн байгууллагын чадавхыг бэхжүүлэх” төслийн мэргэжилтэн Фүкүо Томохиротой ярилцcаныг ЭНД дарж хүлээн авна уу. 


Шатахууны үнэ 100 төгрөгөөр буурлаа

УУХҮЯ-аас  “Шатахууны худалдаа эрхлэгч аж ахуйн нэгжүүдэд жижиглэнгээр борлуулж буй шатахууны үнийг эдийн засгийн зохистой түвшинд тогтвортой байлгах” заалтыг хэрэгжүүлэх, мөн шатахууны хилийн үнэ буурсан үед шатахууны жижиглэнгийн үнийг буулгаж байх чиглэл хүргүүлсэний дагуу өнөөдрөөс эхлэн шатахууны үнэ 100 төгрөгөөр буурлаа. Дэлгэрэнгүй мэдээллийг ЭНД дарж хүлээн авна уу. 


ДЭЛХИЙН АВАРГА МОНГОЛ ОХИН

БНХАУ-ын Шэньжэнь хотод энэ сарын 2-нд болсон Цэнгээнт бүжгийн Дэлхийн аварга шалгаруулах тэмцээнд Герман улсын хамтлаг түрүүлсэн. Тэгвэл уг хамтлагт Н.Онондарь хэмээх МОНГОЛ БҮСГҮЙ бүжиглэдэг бөгөөд түүнтэй ярилцсаныг ЭНД дарж хүлээн авна уу. 


У.Хүрэлсүхэд Засгийн газрын гишүүдээ чуулганы хуралдаанд оролцуулах ШААРДЛАГА хүргүүллээ

Өнөөдрийн УИХ-ын ээлжит чуулганы өнөөдрийн хуралдаан ирц бүрдээгүй гэсэн шалтгаанаар хуралдсангүй. 10.38 цагт эхэлсэн чуулганы хуралдааны ирц 45 хувьтай байсаар 13.00 цаг хүрлээ. Дөнгөж сая УИХ-ын дэд дарга Л.Энх-Амгалан Ерөнхий сайд У.Хүрэлсүхэд чуулганы хуралдаанд Засгийн газрын гишүүдээ суулгах шаардлагыг хүргүүлж байгаа талаараа мэдээллээ. Өнөөдрийн дотор байнгын хороо, чуулганы ирц бүрдүүлэх шаардлагыг хүргүүлж байгаа юм байна. 

ХХААХҮЯ-ны сайдыг томилох, улс орны өмнө тулгамдаж буй асуудлыг хэлэлцэх хурлуудад сүүлийн 3 долоо хоног тасалдуулж байна гэдгийг УИХ-ын дэд дарга Л.Энх-Амгалан хэллээ. Дэлгэрэнгүй мэдээллийг ЭНД дарж хүлээн авна уу. 

GoGo Facebook Хуудас
 
 
Хотын дарга Су.Батболдын ажлыг Та хэрхэн дүгнэх вэ?
Нийт 1022 санал өгсөн байна.

Дээшээ