Тесла БНХАУ-д Гига үйлдвэрийнхээ барилгын ажлыг өнөөдөр эхлүүлнэ


2019-01-07 15:05 GMT+8

БНХАУ-д анхны цогц үйлдвэрийнхээ барилгын ажлыг өнөөдөр эхлүүлнэ хэмээн Теслагийн Гүйцэтгэх захирал Элон Маск жиргэжээ.

Сүүлийн үед АНУ-ын автомашин үйлдвэрлэгчид импортын татвар болон дотоодын өрсөлдөөнөөс үүдэн гадны оронд үйлдвэр нээхээр зорьж байгаа юм.

Тэдний нэг болох Тесла өнгөрсөн 10-р сард Хятадын Шанхай хотод үйлдвэр барих газраа авч, ажиллах хүчээ бэлтгэж эхэлсэн билээ.

2 тэрбум ам.долларын өртгөөр бүтэж буй тус үйлдвэрийн барилгын ажлыг энэ зун дуусгавар болгохоор төлөвлөж байгаа бөгөөд энэ оны төгсгөл гэхэд Model 3 загварын цахилгаан автомашинаа үйлдвэрлэж эхлэх аж. Мөн тус үйлдвэр жилд 250,000 автомашин үйлдвэрлэх хүчин чадалтай байх гэнэ.

БНХАУ-ын хувьд уг үйлдвэр 100 хувь гадны компанийн эзэмшилд байдаг анхны автомашин үйлдвэр юм.

Дэлхийн хамгийн том цахилгаан автомашины зах зээлээр тус улс нэрлэгддэг. Тиймдээ ч ирээдүйд БНХАУ-д цахилгаан автомашины борлуулалт огцом өснө хэмээн салбарынхан таамаглаж байна.

Эх сурвалж: Reuters

GoGo Facebook Хуудас
 
 
Цагаан сарын бэлгэндээ үндэсний үйлдвэрлэлийн бүтээгдэхүүн сонгоход юу саад болдог вэ?
Нийт 3171 санал өгсөн байна.

Дээшээ