ЭТТ: Бид энэ онд 1072 хувьцааг "амилуулна"

Энэ мэдээг шинэ хувилбараар унших бол арын товч дээр дарна уу
Б.Сондор GoGo.mn

2019-01-09 10:00 GMT+8

“Эрдэнэс-Тавантолгой” компаний гүйцэтгэх захирал Б.Ганхуяг өнгөрөгч оны тайлангаа танилцуулж байгаа бөгөөд мөн энэ онд хийх ажлын төлөвлөгөөгөө танилцууллаа. Дэлгэрэнгүйг доорх бичлэгээс үзээрэй.

Хугацаагаар эрэмбэлж харах :
10:31 2019-01-09

Энэ оны тавдугаар сарын 15-наас хойш түүхий нүүрс оруулахаа больж, шахмал нүүрс хэрэглэж эхлэх бөгөөд 100 хувь хангах чадамж ЭТТ-д бий гэлээ. Мөн "Гашуун сухайт"-ын төмөр зам нэн шаардлагатай. Авто зам засварлах, хос замтай болох ажлыг энэ дөрөвдүгээр сараас эхэлнэ. 

10:17 2019-01-09

“Эрдэнэс-Тавантолгой” компанийн гүйцэтгэх захирал Б.Ганхуяг өнгөрөгч оны тайлангаа танилцуулж байгаа бөгөөд мөн энэ онд хийх ажлын төлөвлөгөөгөө танилцууллаа. Энэ хүрээнд энэ онд 1072 хувьцааг "амилуулж" ажил хэрэг болгоно гэлээ. 

Kомпани цэвэр ашигтай ажилласны үр дүнд хувьцаа эзэмшдэг, бүртгэлтэй 2 сая 511 мянган иргэнд хүрэх санхүүгийн нөхцөл бүрдэнэ. Уг иргэд хувьцааны 14.5 хувийг эзэмшдэг бөгөөд нэгж хувьцааны үнэ тодорхой болсны дараа дээрх ажил хэрэгжинэ гэлээ. 

10:15 2019-01-09

Өнгөрөгч оны тайлангийн талаар тэрээр хэлэхдээ;

"Эрдэнэс-Тавантолгой" ХК түүхэндээ 45.8 сая тонн нүүрс олборлож, нийт хугацаанд 4.6 их наяд төгрөг буюу 2.1 тэрбум ам.долларын борлуулалтын орлоготой ажилласнаас 2017, 2018 онуудад 3.1 их наяд төгрөг, үүнэс 2018 онд 1.99 их наяд төгрөгийн орлоготойгоор 2010 оноос хойш үүссэн гадаад, дотоод өр төлбөрийг бүрэн төлж дуусгалаа. Зөвхөн 2018 онд улсын төсөвт 510 тэрбум төгрөг төвлөрүүлж, компанийн цэвэр ашгийг 335 тэрбум төгрөг байхаар төлөвлөснийг 720 тэрбум төгрөгт хүргэж төлөвлөгөөг 2.1 дахин давуулан биелүүллээ.

  • 2016 оны нэгдүгээр улиралд "Чалко" компанид нэг тонн нүүрсийг 24.97 ам.доллараар нийлүүлж байсан бол 
  • 2017 оны 1-р улиралд 59.33 ам.доллар,
  • 2018 оны 2-р улиралд 61.0 ам.доллар,
  • 2019 оны 1-р улирлаас 63.32 ам.доллар болгож нэмэгдүүлсэн. 

Харин Цанхийн баруун уурхайн 2016 оны 1-р улиралд 23.2 ам.доллар байсан үнийг нээлттэй сонгон шалгаруулалтаар 71.25 ам.доллар болгон нэмэгдүүлж, коксжих нүүрсний 20 гэрээ, исэлдсэн нүүрсний 7 гэрээг тус тус байгуулсан нь өндөр үр ашигтай ажиллах суурь нөхцөлийг бүрдүүлсэн.

Үндэсний аюулгүй байдлын зөвлөл, УИХ, ЗГ-аас компанийг олон улсын зах зээлд IPO гаргах үүргийг өгснөөс хойш орд ашиглах ТЭЗҮ-ийг бүрэн боловсруулж, дэд бүтцийн төслүүд-(НБҮ, усан хангамж, төмөр зам, авто зам, ЦС)-ийг хөдөлгөх тооцоо, судалгааг хийж, зарим ТЭЗҮ-ийг батлуулахад бэлэн болгож, олон улсын 4 зөвлөх, нэмэлтээр санхүүгийн байгууллага, шинжээчидтэй хамтрах ажлуудыг зохион байгуулах зэргээр төслийн нэгдүгээр шатанд хийсэн ажлын тайланг УИХ-д мэдээлж, танилцуулахад бэлэн боллоо.

Компанийн засаглалыг сайжруулах, ил тод, нээлттэй байдлыг бий болгох зорилгоор Эрдэмтдийн зөвлөл, Олон нийтийн зөвлөлийг дэргэдээ байгуулж, төрийн бус байгууллагуудтай бүх түвшинд хамтран ажилласан байна. Мөн 2018 оны 5 дугаар сард байгуулагдсан "1,072 хувьцаа мэдээллийн төв"-өөр дамжуулан давхардсан тоогоор 1.25 сая иргэнд зөвлөгөө, мэдээлэл өгч, 500 мянга гаруй иргэд үнэт цаасны дансаа нээлгэх боломжийг бүрдүүлж өглөө.

2018 онд ажилчин, уурхайчдынхаа цалинг 21 хувиар, ХАБ-ын нэмэгдлийг 30 хувиар, шенийн нэмэгдлийг 50 хувиар тус тус өсгөж, урамшуулалт болон үндсэн цалингийн санг нэмэгдүүлж, хүүхэд асарч буй эхчүүдэд cap бүр тэтгэмж олгодог боллоо" гэсэн юм. 

10:01 2019-01-09

“Эрдэнэс-Тавантолгой” компаний гүйцэтгэх захирал Б.Ганхуяг  2018 оны үйл ажиллагааны тайлангаа танилцуулж, мэдээлэл хийж байна.

GoGo Facebook Хуудас
 
 

Дээшээ