САГС: 2018-2019 оны улиралд 50 оноо авсан 9 дэх тоглогч Ламаркус Алдриж

Энэ мэдээг шинэ хувилбараар унших бол арын товч дээр дарна уу
SPS

2019-01-11 16:05 GMT+8

Сүүлийн үед гайхалтай тоглож плэйоффын байранд бичигдэх болсон Сан Антонио Спөрс өнөөдөр талбайдаа бүсийнхээ шилдэг багуудын нэг Оклахома Сити Тандер багийг хүлээн авч тоглолоо.

Энэ тоглолт магадгүй энэ улирлын хамгийн шилдэг тоглолтоор нэрлэгдэх өндөр магадлалтай бөгөөд 2 нэмэлт цагийн төгсгөлд 154:147 харьцаатай Сан Антонио Спөрс баг хожиж улирлын 25 дахь хожлоо байгуулсан юм.

Энэхүү тоглолтонд нэг тоглогч гялалзсан бөгөөд Сан Антонио Спөрс багийн лидер Ламаркус Алдриж 56 оноо авч гайхалтай тоглолт үзүүлэн өөрийн карьерынхаа хамгийн их оноог авсан юм.  Мөн энэ улиралд 50 оноо авсан 9 дэх тоглогч болж байна.

Энэ улиралд 50 болон түүнээс дээш оноо авсан тоглогчид:

  1. Кэмба Уокер 60 оноо vs Филадельфиа 76
  2. Ламаркус Алдриж 56 оноо vs Оклахома Сити Тандер ( өнөөдөр )
  3. Жэймс Хардэн 54 оноо vs Вашингтон Уизардс ( 50 оноо vs Лос Анжелес Лэйкерс )
  4. Клэй Томпсон 52 оноо vs Чикаго Буллс
  5. Стефэн Көрри 51 оноо vs Вашингтон Уизардс
  6. Кэвин Дурант 51 оноо vs Торонто Рэпторс
  7. ЛеБрон Жэймс 51 оноо vs Майами Хит
  8. Блэйк Гриффин 50 оноо vs Филафельфиа 76
  9. Деррик Рөүз 50 оноо vs Юта Жазз

Мөн ахлах дасгалжуулагч Грег Попович дасгалжуулагчийн хувиар 1,222 дахь ялалтаа авч алдарт Жерри Слоан дасгалжуулагчийг гүйцэн бүх цаг үеийн түүхэнд 3-р байранд бичигдэж эхэллээ.

П.Хатансайхан

GoGo Facebook Хуудас
 
 

Дээшээ