А.Дюмагийн эх зохиолоос сэдэвлэн бүтээсэн "ТРАВИАТА" дуурийг толилуулна

Энэ мэдээг шинэ хувилбараар унших бол арын товч дээр дарна уу
Б.Чимэг GoGo.mn

2019-02-02 17:59 GMT+8

Алдарт зохиолч Александр Дюмагийн “Цэцэг барьсан хүүхэн” романы гол дүрийг тэр үед амьдарч байсан Парисын хамгийн үзэсгэлэнтэй хүүхэн Мари Пюплессийн амьдрал дээр түшиглэн бичсэн аж. А.Дюма энэ бүсгүйнд үргэлж очдог байв.

Дюмаг Алжир, Тунисээр удаан хугацаагаар аялах хойгуур ясны өвчин, сэтгэлийн гуниг хавсран энэ бүсгүйг ертөнцөөс үүрд хагацуулав. Дюма Мари Дюплессид хайртай байсан учир түүний дурсгалд зориулан  роман бичжээ. Энэ романаар сэдэвлэн бичсэн драмын жүжгийг 1852 онд Парис хотнооо тоглосон юм.

Жүжгийн анхны тоглолтыг үзсэн Ж.Верди эх зохиолоор өөрийн хамгийн шилдэг дуурийн нэг болох “Травиата”-г бичиж, 1853 оны 3 сарын 6-нд Венецэд анхны тоглолтоо хийжээ. Гэвч тус дуурийг удаан тоглосонгүй. Учир нь дуурийн жүжигчид муу, жүжгийн костюм яг тэр үеийн хүмүүсийн өмсдөг хувцас байсан учир сонирхол татсангүй.

Иймд Ж.Верди дуурийн үйл явдлаа хагас зуун жилийн өмнө болгож өөрчлөн дахин тоглуулахад тус бүтээл дэлхийн сонгодог зохиол болтлоо цуурайтав. А.Дюма, “Тавин жилийн дараа миний “Цэцэг барьсан хүүхэн”-ний тухай хэн ч санахгүй байсан байх. Түүнийг зөвхөн Ж.Верди мөнхрүүлсэн.” гэжээ.

Хөгжмийн зохиолч: Ж.Верди
Цомнол: А.Дюма /хүү/-ийн зохиолоос сэдэвлэн Ф.Пиявэ бичжээ.
Цомнолыг монгол хэлэнд орчуулсан Г.Хайдав /АЖ, ХБ/

1853-3-06-нд Италийн Ла Фенис театрт нээлтээ хийжээ. Манай тайзнаа 1977-4-09-нд анх тоглосон.
Удирдаач : Ч.Жамсранжав /МУУГЗ/
Найруулагч: Ё.Цэрэндолгор /МУУГЗ/
Зураач Г.Гунгаасүх /МУАЗ/
Бүжгийг дэглэсэн А.Навчаа /МУГЖ/
Хормейстер Г.Дарамзагд /МУУГЗ/

Шинэчилсэн тавилт: 2015.05.23
Удирдаач : Н.Туулайхүү /МУУГЗ/
Найруулагч: Ан Ху Вон /БНСУ/
Зураач : .Ганбаатар /МУУГЗ/
Хувцасны зураач Г.Оюун /СТА/
Бүжгийг дэглэсэн: Э.Эрдэнэжаргал /СТА/
Хормейстер: Н.Дашбямба/СТА/

Маргааш тоглох "Травиата" дуурийн дүрүүдэд:

Виолетта: Б.Эрдэнэтуяа МУГЖ
Флора: М.Дариймаа СТА
Анина: Б.Энхнаран СТА
Альфред: Г.Шижирболд СТА
Жермон: Э.Бумхүү СТА
Гастон: М.Даваадорж СТА
Барон: Э.Отгонбат
Маркиз: Б.Алтанхуяг СТА
Доктор: С.Бат-эрдэнэ СТА
Жозеф: Э.Алтантөгс
Мэдээ хүргэгч: Б.Шинэбаяр

GoGo Facebook Хуудас
 
 
Автомашингүй өдрийг зуны улиралд сард нэг удаа хийвэл та дэмжих үү?
Нийт 301 санал өгсөн байна.

Дээшээ