Их Британид интернетээр танилцаж бусдыг залилдаг гэмт хэргийн тоо өсжээ

Энэ мэдээг шинэ хувилбараар унших бол арын товч дээр дарна уу
Э.Онон GoGo.mn

2019-02-11 11:50 GMT+8

Интернетээр танилцаж, өөртөө дурлуулах замаар бусдыг залилдаг гэмт хэргийн улмаас өнгөрсөн жил Их Британид нэг хүн дунджаар 11,145 фунтээр /14,400 ам.доллар/ хохирсон тухай тус улсын цагдаагийн газраас мэдээллээ.

2018 онд энэ төрлийн гэмт хэргээр нийт 50 сая фунтийн /64,652,750 ам.доллар/ хохирол учирсан байна. Энэ талаар цагдаагийн албаныхан хоёрдугаар сарын 14-ний Валентиний өдрөөс урьтан иргэддээ анхааруулав.

Өнгөрсөн онд интернетээр танилцсан 4,555 удаагийн залилангийн хэрэг бүртгэгдсэн бөгөөд өнгөрсөн жилтэй харьцуулахад 27 хувиар өссөн үзүүлэлттэй байна. Гэмт хэргийн хохирогчдын 63% нь эмэгтэйчүүд аж.

Луйварчид хуурамч хаяг ашиглан цахимаар хүмүүстэй холбоо тогтоодог гэнэ. Улмаар иргэд санхүү болоод сэтгэл зүйгээрээ ихээхэн хохирол амсдаг байна.

Цагдаагийн газраас уулзаж байгаагүй хүн рүү мөнгө шилжүүлэх, хувийн мэдээллээ ил тод тавих эсэхээ анхаарч байхыг санууллаа.

Эх сурвалж: BBC

GoGo Facebook Хуудас
 
 
УИХ дахь АН-ын зөвлөл Ерөнхийлөгчийг парламентаас сонгох нь зүйтэй гэж үзэж, энэ талаар Үндсэн хуульд оруулах нэмэлт өөрчлөлтөд тусгуулах санал гаргалаа. Таны бодлоор цаашид Ерөнхийлөгчийг иргэд биш парламент сонгох нь зөв үү.
Нийт 186 санал өгсөн байна.

Дээшээ