ОХУ-тай Улаанбурхан, улаанууд өвчний тандалт сэргийлэлтэд хамтран ажиллана

Энэ мэдээг шинэ хувилбараар унших бол арын товч дээр дарна уу
Сэтгүүлч Р.Адъяасүрэн

2019-02-12 12:10 GMT+8

Эрүүл мэндийн сайд Д.Сарангэрэл өнөөдөр ОХУ-ын Москвагийн Г.Н. Габричевскогийн нэрэмжит эрдэм шинжилгээ, судалгааны институтын төлөөлөгчтэй уулзлаа.

Уулзалтаар дэлхийд дахинд ялангуяа Европын улсад гарч байгаа Улаанбурхан  өвчний тандалт сэргийлэлтийн чиглэлээр хамтран ажиллах талаар ярилцсан байна.

Уг институттэй 2-3 жилийн хамтарсан төсөл хэрэгжүүлэх бөгөөд Улаанбурхан, улаанууд өвчний лабораторийн түргэвчилсэн оношилгооны шинэ аргыг нэвтрүүлэх, эмч нарыг харилцан сургах, хүн амын дундах дархлал тогтоцын түвшинг судлах судалгаа хийж, олон улсын эрдэм шинжилгээний хуралд хэлэлцүүлэх зэрэг үйл ажиллагааг хэрэгжүүлэх юм байна.

Хөрш зэргэлдээ орнуудад Улаанбурхан өвчин гарч буй эрсдэлтэй энэ үед нотолгоонд суурилсан шинжлэх ухааны үндэслэлтэй шийдвэр гаргаж, уг өвчнөөс урьдчилан сэргийлэх нь үр дүнгээ өгөх ач холбогдолтойг Эрүүл мэндийн сайд онцолсон байна.

Эх сурвалж: ЭМЯ

GoGo Facebook Хуудас
 
 
Өргөн хэрэглээний, нэг удаагийн гялгар уутыг худалдаанд гаргах, хэрэглэхийг хориглосон шийдвэр гуравдугаар сарын 1-нээс хэрэгжинэ. Та гялгар уутны хэрэглээгээ багасгаж эхэлсэн үү?
Нийт 1922 санал өгсөн байна.

Дээшээ