ФОТО: "Фантастик"-ийн залуус Вьетнам кино бүтээж, Хо Ши Мин хотноо нээлтээ хийлээ

Энэ мэдээг шинэ хувилбараар унших бол арын товч дээр дарна уу
Э.Онон GoGo.mn

2019-02-26 16:55 GMT+8

Фантастик продакшн 10 жилийн ойдоо зориулж Вьетнам улсын Хо Ши Мин хотод “Хувь заяаны дуудлага” киноны нээлтээ хоёрдугаар сарын 25-нд хийжээ.

Гадаадын зах зээлд киногоо гаргах, улсаа сурталчлах зорилготой Фантастик продакшн энэ удаа Вьетнамын уран бүтээлчидтэй хамтран ажилласан байна.

Тус улсын кино салбарын зах зээлийг судалсны үндсэн дээр “Хувь заяаны дуудлага” гэх инээдмийн, хайрын сэдэвтэй киног бүтээжээ. 

Киноны

Ерөнхий найруулагчаар - Б.Тамир,
Ерөнхий Продюсерээр - С.Өнөболд,
Продюсерээр - К.Төрболд Т.Баярхүү,
Ерөнхий зураглаачаар - Ц.Амартүвшин,
Төслийн зохицуулагчаар - Б.Батсайхан, Б.Билгүүн,
Менежерээр - С.Энх-Мандах нар ажилласан байна. 

Фантастикийн залуус БНСВУ-н “NV film”-тэй хоёр жилийн хугацаанд хамтран ажиллажээ. Энэхүү кинонд Вьетнам жүжигчид дүр бүтээсэн бөгөөд Вьетнам хэл дээр хийсэн гэдгээрээ онцлог.

Фантастик продакшн 2019 оны нэгдүгээр сарын 22-нд БНСВУ-н “SAIGON MOVIES media” компанитай хамтран ажиллах гэрээнд гарын үсэг зурав. Ийнхүү Вьетнамын зах зээлд киног цацах ажлыг тус компани хариуцан гүйцэтгэхээр болсон байна.

"Saigon movies media" компанийн төлөөлөгчдийн хамт

Тус киног гуравдугаар сарын 1-нээс эхлэн Вьетнам улсын бүх кино театраар цацах юм байна. Гол дүрийн эрэгтэй жүжигчнээр Хуе Хан, Хиу Хиен, эмэгтэй жүжигчнээр Ван Фөн, ДиЖэй Окси нар тогложээ.

GoGo Facebook Хуудас
 
 
Автомашингүй өдрийг зуны улиралд сард нэг удаа хийвэл та дэмжих үү?
Нийт 997 санал өгсөн байна.

Дээшээ