САГСАН БӨМБӨГ: Зайон Уиллиамсон гэмтлээс эргэн ирлээ

Энэ мэдээг шинэ хувилбараар унших бол арын товч дээр дарна уу
SPS

2019-03-15 16:45 GMT+8

02 сарын 21-нд Хойд Каролина их сургуулийн эсрэг тоглолт дөнгөж эхлээд гэмтэл авсан Зайон Уиллиамсон өнөөдөр гэмтлээсээ эргэн ирж Сиракьюсийн их сургуулийн эсрэг тоглолтоо хийлээ.

Тоглолтын эхний оноогоо л хүчтэй тохолтоор Зайон эхний хагаст 21 оноо авч, эхний 9 довтолгоогоо амжилттай болгосон юм.

Хоёрдугаар хагаст ч гайхалтай тоглолтоо үргэлжлүүлж 29 оноо, 14 самбар, 5 бөмбөг таслалт, 13 довтолгоогоо бүгдийг нь амжилттай болгож ACC түүхэнд хамгийн олон довтолгоо дараалан амжилттай болгосон тоглогч болсон байна.

Улмаар үндсэн цагт Дюкийн их сургууль 84:72 харьцаатай ялалт байгуулж, улирлын ээлжит хожлоо авлаа.

NCAA March Madness буюу хасагдах шатны тоглолт орон нутгийн цагаар 03 сарын 17-нд эхлэх хуваарьтай юм.  Харин Final Four болон аваргын тоглолт 04 сарын 06, 08-нд явагдах хуваарьтай.

Дюкийн их сургуулийн үндэсний аварга болох магадлал хамгийн өндөр байгаа багуудын нэг юм.

П.Хатансайхан

GoGo Facebook Хуудас
 
 

Дээшээ