2019.04.09 Өнөөдөр болсон ОНЦЛОХ ТАВАН үйл явдал

Энэ мэдээг шинэ хувилбараар унших бол арын товч дээр дарна уу
Б.Чимэг GoGo.mn

2019-04-09 19:06 GMT+8

Монгол банкнаас өчигдөр  мэдэгдэл хийн, Капитал банкийг дампууруулах шийдвэр гаргаснаа танилцуулсан юм. Иймд Сангийн сайд Ч.Хүрэлбаатараас Капитал банканд төрийн хэчнээн төгрөг байсан талаар тодруулахад тус банканд төрийн буюу татвар төлөгчдийн 340 орчим тэрбум төгрөг байсан гэв.    

Монгол улсад чадварлаг инженер, технологийн мэргэжилтэн бэлтгэх зорилгоор Япон улсын Засгийн газартай хамтран хэрэгжүүлж буй “Инженер технологийн дээд боловсрол” төслийн анхны 21 төгсөгчийг хүлээн авах нээлттэй өдөрлөг өнөөдөр боллоо. 

Энэ хүрээнд  Монголын мэдээлэл технологи, харилцаа холбооны ууган бөгөөд тэргүүлэгч байгууллага Мобиком Корпорацид ажиллах урилгыг уг хөтөлбөрийн төгсөгчид болох Б.Цэнд-Аюуш, Э.Төгөлдөр нарт Мобиком Корпорацийн Ерөнхий Захирал Тацуяа Хамада гардуулж өгч баяр дээр нь баяр нэмэв. 

УИХ-ын гишүүн Б.Ундармаа “Би Капитал банканд ямар ч хувьцаа эзэмшдэггүй. Үүсээд байгаа байдалд улс төрийн нөлөө орсон. Энэ шийдвэрийг гаргасан Монголбанк тайлбар мэдээллээ өгнө” гэсэн юм. Тэгвэл АТГ-аас гаргадаг Хөрөнгө орлогын мэдүүлэгт тэрбээр банкинд эзэмшдэг хувьцааныхаа талаар мөн орлогоо хэрхэн мэдүүлснийг хүргэж байна.

Цэцэрлэг, сургуульд сэтгэл зүйчийн ажлын байрны тодорхойлолтыг Боловсрол соёл, шинжлэх ухаан, спортын яам Эрүүл мэндийн яамтай хамтран боловсруулжээ. Сэтгэл зүйч ажиллуулах бүтэц орон тоотой холбоотой учир хуулийн төслийн үзэл баримтлалд тусгана гэдгийг БСШУСЯ-ны Ерөнхий боловсролын бодлогын газрын дарга Т.Ням-Очир хэллээ.

Хөдөлмөр, нийгмийн хамгааллын сайд С.Чинзориг "2009 оноос эхлэн Нийгмийн даатгалын сангийн чөлөөт үлдэгдлийг "Капитал" банкинд байршуулсан. 2009 оноос эхлэн байршуулах хөрөнгийн хэмжээ нэмэгдэж 280 тэрбум төгрөгт хүрсэн. Би ХНХ-ын сайдаар томилогдсоноос хойш Капитал банкинд байршуулсан хөрөнгийг нэлээд багасгасан. Үүнээс Нийгмийн даатгалын сангийн үлдэгдэл 101 тэрбум төгрөг үлдсэн. Энэ хөрөнгөнд эрсдэлд орохгүй" гэв.

GoGo Facebook Хуудас
 
 

Дээшээ