ХӨЛБӨМБӨГ: Челси талбайдаа тэнцлээ

Энэ мэдээг шинэ хувилбараар унших бол арын товч дээр дарна уу
SPS

2019-04-23 18:15 GMT+8

Топ 4-ийн төлөөх өрсөлдөөн ширүүн болж байгаа энэ үед Челси 35-р тойргийн тоглолтоо талбайдаа Бөрнли клубтэй хийлээ.

Тоглолт ширүүн уур амьсгал дор эхэлж 8’ дахь минутанд Бөрнли клубын Жефф Хэндрик тооны харьцааг нээсэн бол 12’ дахь минутанд Н’Голо Канте, 14’ дэх минутанд Гонзало Игуайн, 24’ дэх минутанд Эшли Барнс нар гоол оруулж тоглолтын эхний 24 минутанд дөрвөн гоол орсон юм.

Харин тоглолтын хоёрдугаар хагаст аль аль баг нь гоол оруулж чадаагүй бөгөөд үндсэн цаг 2:2 харьцаатай өндөрлөлөө.

Хэдий Манчестер Юнайтед, Арсенал клубууд хожигдсон ч Челси тэнцсэнээр тэдэнд боломж олголоо.

  1. Ливерпүүл 88 оноо
  2. Манчестер Сити 86 оноо
  3. Тоттэнхем 67 оноо
  4. Челси 67 оноо
  5. Арсенал 66 оноо
  6. Манчестер Юнайтед 64 оноо

Челси клубын үлдсэн тоглолтуудаа Манчестер Юнайтед, Вотфорд, Лэстер Сити клубуудтэй хийх бол Арсенал клубын хувьд Волверхэмптон, Лэстер Сити, Врайтон, Бөрнли харин Манчестер Юнайтед клуб Манчестер Сити, Челси, Хаддерсфилд, Кардифф Сити клубуудтэй хийх хүндхэн хуваарьтай байгаа юм.

П.Хатансайхан

GoGo Facebook Хуудас
 
 

Дээшээ