Ц.Оч: Зуслангуудад хөгжлийн хөтөлбөрийн чанараас хамаарч санхүүжилт олгоно

Энэ мэдээг шинэ хувилбараар унших бол арын товч дээр дарна уу
Зууны мэдээ

2019-05-15 12:20 GMT+8

Хүүхдийн зуслангийн бүртгэл, хүртээмжийн талаар Нийслэлийн гэр бүл, хүүхэд залуучуудын хөгжлийн газрын Хүүхдийн амралт чөлөөт цаг, орчны асуудал хариуцсан мэргэжилтэн Ц.Очоос тодрууллаа.

-Энэ жил хэдэн зуслан ажиллах вэ. Мөн хүүхдүүдээ хэзээнээс хүлээж авах вэ?
-Энэ онд 21 зуслан үйл ажиллагаа явуулахаар бэлтгэж ажлаа хангаж байна. Зуслангууд зургадугаар сарын 5-наас  эхний ээлжээ хүлээж авна. Нийслэлийн Засаг даргын захирамжийн дагуу эрүүл, аюулгүй орчин, хөгжлийн хөтөлбөрийг мэргэжлийн зургаан байгууллагын төлөөлөл хянадаг. Бэлтгэл ажлаа хан­гаж байх үед нь буюу зургадугаар сарын эхээр, мөн хүүхдүүд амарч байх хугацаанд хүүхдийн эрхийг зөрчиж байгаа эсэхийг хянадаг. Ер нь ихэнхдээ зөрчил бага гардаг. Зөрчил гарсан бол 14 хоногийн дотор арилгуулдаг. Гэтэл зарим эцэг эхчүүдээс шалтгаалсан таагүй мэдээлэл их цацагддаг. Жишээлбэл, “Эргэлтээр очлоо юу захих вэ” гэхэд хүүхэд нь ам цангаад байна гэнгүүт гомдол гаргадаг. Тэгээд очоод шалгахаар ус, ундаа, цайг хүүхэд хүссэн үедээ уух боломжтой байдаг.

-Энэ жил зуслангийн тоо нэмэгдсэн үү. Хүсэлт гаргасан хүүхэд бүр хамрагдаж чадах уу?
-Энэ жил зуслангийн тоо нэмэгдээгүй. Өнгөрсөн жил 21 зусланд 23 мянган хүүхэд амарсан.  Гэхдээ энэ жил 2-3 зуслан шинээр үйл ажиллагаа явуулахаар хүсэлт өгөөд бэлтгэлээ хангаж байна. Хүүхэд хүлээн авах хүчин чадлын хувьд 23 мянгаас их байх боломжтой. Эцэг эхчүүд хүүхдүүдээ зусланд амраах нь багассан. Эхний ээлжүүдэд хүүхдүүд хангалттай хамрагддаг ч наадмаас хойш эрс буурдаг. Ахлах насныхан зусланд явах нь багассан.

Өнгөрсөн жил гэхэд зургаан зуслан санхүүжилт аваагүй. Энэ жил мөн адил 180 гаруй сая төгрөг  олгохоор төсөвлөсөн.

Нэг талаас санхүүгийн боломжтой холбоотой ч эцэг эхчүүдийн хандлага их нөлөөлж байна. Гэтэл зусланд хамрагдсанаар хүүхдүүд маш олон хөгжлийн хөтөлбөрт хамрагдаж, төлөвшдөг.

-Төрөөс зуслангуудыг хэрхэн дэмждэг бол. Мөн хөгжлийн хөтөлбөрийг ямар шалгуураар магадлан итгэмжилдэг вэ? 
-Өнгөрсөн жилээс Засгийн газар зуслангуудыг дэмжиж хөгжлийн хөтөлбөрийн санхүүжилт олгож эхэлсэн. Харин энэ оноос хөгжлийн хөтөлбөрийг тусгай аргачлалаар үнэлсний дагуу санхүүжилт олгох юм. Өнгөрсөн онд Засгийн газраас үндэсний хэмжээнд 180 сая, нийслэлийн хэмжээнд 80 сая гаруй төгрөгийн хөгжлийн хөтөлбөрийн санхүүжилт олгосон. Зуслангуудын хүчин чадал, хөгжлийн хөтөлбөртэй уялдуулж харилцан адилгүй санхүүжилт олгодог. Өнгөрсөн жил гэхэд зургаан зуслан санхүүжилт аваагүй. Энэ жил мөн адил 180 гаруй сая төгрөг  олгохоор төсөвлөсөн.

Бас нэг онцлог нь зусланд тавигддаг шаардлага шинэчлэгдэж байна. Өмнө нь байр танхим зэрэг орчны асуудал голдуу ордог байсан бол энэ жилээс хөгжлийн хөтөл­бөрийн чанарыг нэмсэн. Өөрөөр хэлбэл, монгол өв уламжлал, эрүүл бие бялдар, спорт, урлаг, багаар ажиллах чадвараас эхлээд бүх талын хөгжлийн хөтөлбөрийг хэрэг­жүүлнэ. Хүүхэд ерөнхий мэдлэгийг сур­гуулиас авч болно. Гэтэл зан чанар, хандлага, төлөвшил, хүмүүжил, өв соёл, бие даах чадвар гээд бүх талын боловсролыг зуслангууд олго­дог. Хүүхдүүдийг цаашид хэрхэн хөг­жүүлэх вэ гэдгийг нарийн судалж байна.

 -Зуслангуудын төлбөр буурсан уу. Ер нь үнийг барих, бууруулах боломж байдаг уу?
-Тухайн зуслангийн хэрэгжүүлж байгаа хөгжлийн хөтөлбөр,хоол хүнс, үйлчилгээний онцлогоос хамаарч өнгөрсөн жил 175-280 мянган төгрөгийн хооронд байсан. Зуслангууд хувийн сектор учраас үнэ ханшийг нэгдсэн байдлаар тогтоох боломжгүй. Гэхдээ Нийслэлийн гэр бүл, хүүхэд залуучуудын хөгжлийн газраас зуслангийн дундаж үнийн тарифыг тогтоодог. Өнгөрсөн жил өдрийн 25-30 мянга байсан бол энэ жил 30-35 мянган төгрөг байхаар тогтоосон. Бүтээгдэхүүний үнэ өссөн учраас төлбөрөө бууруулах боломжгүй гэсэн саналыг хэлдэг.

GoGo Facebook Хуудас
 
 
Ерөнхийлөгчийн санаачилсан Монгол Улсын Үндсэн хуульд оруулах нэмэлт, өөрчлөлтийн төслийн УИХ-ын гишүүдийн тоог 108 болгож, бүрэн эрхийн хугацааг таван жил болгох заалтыг та дэмжиж байна уу.
Нийт 846 санал өгсөн байна.

Дээшээ