“Эрүүл иргэн, архидалтгүй хороо”-г бий болгоно

Энэ мэдээг шинэ хувилбараар унших бол арын товч дээр дарна уу
Сэтгүүлч Э.Оргил GoGo.mn

2019-05-20 14:45 GMT+8

НЭМГ-ын харьяа Наркологийн эмнэлэг, Хан-уул дүүргийн II хороотой хамтран тус дүүргийн II, XII хорооны ажилтан, Өрхийн эмнэлгийн эмч, эмнэлгийн мэргэжилтэн, иргэдэд Наркологийн эмнэлгийн үйл ажиллагааг сурталчлах зорилгоор “Ажлаа танилцуулах өдөрлөг” зохион байгуулжээ.

Өдөрлөгийн үеэр эмнэлгийн үйл ажиллагааг танилцуулж, иргэдэд эрүүл мэндийн үзлэг оношилгоог хийж, сэтгэл зүйн тусламж үйлчилгээ үзүүлсэн байна.

Энэ хүрээнд ХУД-ийн II хорооны Засаг дарга, Наркологийн эмнэлгийн дарга, Хан-Уул эрүүл мэндийн төвийн Нийгмийн эрүүл мэндийн орлогч болон ӨЭМТ-ийн дарга нарын дунд хэлэлцүүлэг зохион байгуулж, дараах санал дүгнэлтийг гаргажээ. Үүнд:

  • “Эрүүл иргэн, архидалтгүй эрүүл хороо” болгох зорилт дэвшүүлэн жилийн турш хамтран ажиллаж, үр дүнг тооцох
  • Наркологийн эмнэлэг нь үйл ажиллагааны дагуу мэргэжил арга зүйгээр хангах, тус хороодын иргэдэд эмнэлгийн тусламж, үйлчилгээг хүлээгдэл, чирэгдэлгүй үзүүлэх
  • Дүүргийн ЭМТ-ийн Наркологийн кабинеттай хамтран ажиллах, хяналтыг тогтвортой болгож үр дүнг тооцох
  • “Эрүүл архидалтгүй хороо”-г бий болгох, архины хамааралтай иргэдийн судалгаа, бүртгэлийг гаргаж, нийгэм халамжийн тусламж дэмжлэгийг үзүүлэх ажлыг хорооны удирдлага зохион байгуулах
  • Хууль хяналтын байгууллагаас архины албадан эмчилгээнд явуулсан иргэдийг мэргэжлийн эмчийн хяналтанд оруулах, хамтран хяналт тавьж ажиллахаар болжээ. 

Тухайлбал, тус эмнэлгийн 1 палатыг ХУД-ийн өрөө, палат болгон тухайн дүүргээс эмчлүүлэхээр ирсэн үйлчлүүлэгчдийг хэвтүүлж байх, мөн албадан эмчилгээнд явсан иргэдийг цагдаагийн хэсгийн алба хаагчид эмнэлгээс гарсан даруйд нь ар гэрийнхэнд нь хүлээлгэн өгч, давхар Дүүргийн ЭМТ-ийн наркологийн эмчийн хяналтанд оруулж байх, батжуулах эмчилгээнд хамруулах, дахилтаас сэргийлэх эмчилгээг Наркологийн эмнэлэгт хийхээр болсон байна. 

Эх сурвалж: НЭМГ 

GoGo Facebook Хуудас
 
 
УИХ-аар Авто тээврийн тухай хуулийн шинэчилсэн найруулгын төслийг хэлэлцэж байна. 2021 оны нэгдүгээр сарын 1-нээс хэрэгжиж эхлэх уг хуулийн төсөлд буруу талдаа жолооны хүрдтэй автомашиныг хилээр оруулахыг хориглосон заалт бий. Буруу талдаа жолооны хүрдтэй машиныг хилээр оруулахыг хориглохыг Та дэмжиж байна уу?
Нийт 4330 санал өгсөн байна.

Дээшээ