“ХҮҮХДЭД ЗОРИУЛАВ-2019” үзэсгэлэн худалдаа Үндэсний цэцэрлэгт хүрээлэнд болно

Энэ мэдээг шинэ хувилбараар унших бол арын товч дээр дарна уу
Э.Онон GoGo.mn

2019-05-20 17:05 GMT+8

ХҮН АМЫН 40 ОРЧИМ ХУВИЙГ 0-18 НАСНЫ ХҮҮХЭД ЭЗЭЛЖ БАЙНА

Монгол Улсын хүн ам 2018 оны байдлаар 3.2 саяд хүрсэн. Хүн амын 40 орчим хувийг 0-18 насны хүүхэд эзэлж байна. Хүүхдэд зориулсан бүтээгдэхүүний дотоодын үйлдвэрлэлийг тогтвортой хөгжүүлэх, бүтээгдэхүүний борлуулалтыг дэмжих, үндэсний үйлдвэрийн чанартай бүтээгдэхүүнийг түлхүү хэрэглэх соёлыг өсвөр, залуу үед төлөвшүүлэх, төр, хувийн хэвшлийн хамтын ажиллагааг бэхжүүлэх, салбарын өрсөлдөх чадварыг дээшлүүлэх зорилгоор “Хүүхдэд зориулав” үзэсгэлэн худалдааг Монгол Улсын Ерөнхий сайд, Хүүхдийн төлөө үндэсний зөвлөлийн даргын ивээл дор жил бүрийн тавдугаар сард зохион байгуулж байхаар Засгийн газрын 2018 оны 87 дугаар тогтоолоор шийдвэрлэсэн юм.

Эх үрсийн баярыг угтан “Эх оронч худалдан авалтыг дэмжих жил”-ийн хүрээнд үндэсний үйлдвэрлэгчдийн бүтээгдэхүүний “Хүүхдэд зориулав-2019” үзэсгэлэн худалдааг энэ сарын 25, 26-ны өдрийн 09.00-18.00 цагт Үндэсний цэцэрлэгт хүрээлэнд зохион байгуулна.

“Хүүхдэд зориулав” үзэсгэлэн худалдааны үеэр дараах арга хэмжээг зохион байгуулахаар төлөвлөж байна. 

  • Хүүхдэд зориулсан үндэсний бүтээгдэхүүний үзэсгэлэн,
  • Хүүхдүүдийг анги, хамт олноор нь үзэсгэлэн худалдаатай танилцуулах,
  • “Хүүхдийн хоол, хүнс” өдөрлөг,
  • Хүүхдийн зуслангуудын өдөрлөг,
  • Хүүхдийн гутал, хувцас, цүнхний загварын үзүүлбэр,
  • Хүүхдэд зориулсан зөвлөгөө, мэдээллийн “Хэрэглэгчийн булан”,
  • Мэргэжлийн хяналтын явуулын лабораторийн үйлчилгээ,
  • Хүүхдэд зориулсан зөв хооллолт, дасгал хөдөлгөөний мэдээллийн булан,
  • “Хүүхдэд зориулсан бүтээгдэхүүний зах зээлийн онцлог, экспортын боломж” сэдэвт хэлэлцүүлэг,
  • Хүүхдүүдийг хүнс, хөнгөн үйлдвэрийн үйл ажиллагаатай танилцуулах зэрэг арга хэмжээ болох юм.

Зөвхөн үндэсний үйлдвэрлэгчдэд нээлттэй тус үзэсгэлэн худалдаанд оролцох хүсэлтэй, хүүхдэд зориулсан бүтээгдэхүүн үйлдвэрлэгчдийг энэ сарын 23-ны өдрийн 17.00 цаг хүртэлх хугацаанд Монголын үндэсний худалдаа аж үйлдвэрийн танхимын cooperation@mongolchamber.mn, Монголын хүнсчдийн холбооны mfia_ngo@yahoo.com цахим хаягаар тус тус бүртгэж байна.

Үзэсгэлэн худалдаанд оролцох үйлдвэрлэгчдэд олгох боломж:

  1. Үзэсгэлэн худалдаанд оролцогчийн хураамж төлөхгүй;
  2. Үзэсгэлэн худалдааны хугацаанд төв тайзан дээр өөрийн бүтээгдэхүүн, үйлчилгээгээ сурталчлах, төрөл бүрийн ивэнт зохион байгуулах;
  3. Хямдралтай, бэлэгтэй, урамшуулалтай худалдаа зохион байгуулах;
  4. Дараах номинацид бүтээгдэхүүнийхээ нэр дэвшүүлэх;
  • “Хүүхдэд зориулав” Гран при;
  • “Хүүхдэд зориулав” Экспортын шилдэг бүтээгдэхүүн;
  • “Хүүхдэд зориулав” Импортыг орлох шилдэг бүтээгдэхүүн;
  • “Хүүхдэд зориулав” Шинэ бүтээгдэхүүн;

5. Үзэсгэлэн худалдааны үеэр зохион байгуулах “Хүүхдэд зориулсан бүтээгдэхүүний зах зээлийн онцлог, экспортын боломж” сэдэвт хэлэлцүүлэгт оролцох;

6. Үзэсгэлэн худалдааны дараа гарах “Хүүхдэд зориулав” бүтээгдэхүүний каталогид нэрийн бүтээгдэхүүнээ үнэ төлбөргүй оруулах.

Үзэсгэлэн худалдааны зохион байгуулагчаар ХХААХҮЯ, БСШУСЯ, ХНХЯ, ЭМЯ, МХЕГ, ШӨХТГ, ГБХЗХГ, НЗДТГ, УБЗАА, МҮОНРТ, МҮХАҮТ, ҮАҮЗ, МХХ хамтран ажиллаж байна.

Эх сурвалж: Улаанбаатар хотын Захирагчийн ажлын алба

GoGo Facebook Хуудас
 
 
УИХ дахь АН-ын зөвлөл Ерөнхийлөгчийг парламентаас сонгох нь зүйтэй гэж үзэж, энэ талаар Үндсэн хуульд оруулах нэмэлт өөрчлөлтөд тусгуулах санал гаргалаа. Таны бодлоор цаашид Ерөнхийлөгчийг иргэд биш парламент сонгох нь зөв үү.
Нийт 390 санал өгсөн байна.

Дээшээ