Австралийн тэрбумтан бүх хөрөнгөө сайн үйлсэд хандивлана

Энэ мэдээг шинэ хувилбараар унших бол арын товч дээр дарна уу
Зууны мэдээ

2019-05-21 11:20 GMT+8

Австралийн 7.5 тэрбум ам.долларын хөрөнгийн эзэн Эндрю Форрест, эхнэр Николатайгаа хамт Сингапурт зочилжээ. Тэд сайн үйлсийн “Minderoo Foundation” хэмээх сандаа 655 сая австрали доллар буюу 460 сая ам.доллар хандивлаж буйгаа зарласан юм. Тэд өнөөдрийг хүртэлх хугацаанд сайн үйлсэд 1.5 тэрбум австрали доллар буюу 1.05 тэрбум ам.долларыг хандивлаад байгаа билээ.

Тэрбумтан гэр бүл Сингапурт зочилсон шалтгаан нь Ригбигийн тоглолт үзэхэд оршиж байснаас гадна хандивын үйл ажиллагаагаа олон нийтэд танилцуулах зорилготой байжээ. Түүний үзэж буйгаар Сингапурт хандивын үйл ажиллагаагаа илүү өргөжүүлэх хүсэлтэй байгаа юм.

Уул уурхайн магнат энэ эрийн нийт хөрөнгө 2008 онд анх удаа 12.7 тэрбум ам.долларт хүрч байсан түүхтэй. Харин одоо түүний бэл бэнчин 7.5 тэрбум ам.доллараар хэмжигдэж байна. Тэрээр баячуудын дунд өгөөмөр бөгөөд хандивт гар татдаггүй нэгэн гэдгээрээ дэлхийд алдаршсан юм. Үүгээр үл барам, тэрбумтан маань гурван хүүхэд болон эхнэртээ энэ хөрөнгийг өвлүүлэхгүй гэдгээ мэдэгдсэн юм. Учир нь тэрээр үлдсэн бүх хөрөнгөө бусдын сайн сайхны төлөө хандивлахаар шийдвэрлэсэн байна.

GoGo Facebook Хуудас
 
 
УИХ-аар Авто тээврийн тухай хуулийн шинэчилсэн найруулгын төслийг хэлэлцэж байна. 2021 оны нэгдүгээр сарын 1-нээс хэрэгжиж эхлэх уг хуулийн төсөлд буруу талдаа жолооны хүрдтэй автомашиныг хилээр оруулахыг хориглосон заалт бий. Буруу талдаа жолооны хүрдтэй машиныг хилээр оруулахыг хориглохыг Та дэмжиж байна уу?
Нийт 4330 санал өгсөн байна.

Дээшээ