УИХ-ын гишүүд өрөөндөө согтууруулах ундаа хэрэглэх нь даамжирснаар ЭРДЭНЭТ ХҮНИЙ АМЬ сүйдэх нөхцөл бүрдлээ

Энэ мэдээг шинэ хувилбараар унших бол арын товч дээр дарна уу
Сэтгүүлч Э.Оргил GoGo.mn

2019-05-23 15:48 GMT+8

-Ерөнхийлөгч Х.Баттулга УИХ хугацаанаасаа өмнө тарах саналыг хоёр дахь удаагаа гаргаж байна-

УИХ-ын чуулганы өнөөдрийн үдээс хойших нэгдсэн хуралдаанаар Ерөнхийлөгч Х.Баттулга оролцож, үг хэллээ. Төрийн тэргүүний хэлсэн үгийг хүргэж байна. 

Эрхэм гишүүд ээ, УИХ-ын дарга аа! 
Миний бие энэ удаа чуулганы нэгдсэн хуралдаанд үг хэлэх болсон шалтгаан нь өмнө нь тавьж байсан саналаа дахин тавих гэж байна. 2018 оны 10-р сарын 29-ний өдөр би УИХ бүрэн эрхээ хэрэгжүүлэх боломжгүй болсон тул өөрөө тарах шийдвэр гаргахыг УИХ-д санал болгосон билээ. 

Тухайн үед УИХ-ын даргаар ажиллаж байсан М.Энхболд энэ саналыг УИХ-аар хэлэлцэхийг хаасан шийдвэр гаргаж, надтай санал нийлэхгүй байгаагаа бичгээр илэрхийлэн өнгөрөөж байлаа. Түүнээс хойш хагас жилийн хугацаа өнгөрөхөд УИХ-ын ёс зүй, шударга ёсны байдал дээрдсэнгүй, үйл ажиллагаа улам дордож иргэд, сонгогчдын итгэлийг бүрэн алдахад хүрээд байна. 

Ийм учраас би УИХ-ын тухай хуульд үндэслэн УИХ бүрэн эрхээ хэрэгжүүлэх боломжгүй болсон гэж үзэж хугацаанаасаа өмнө тарах асуудлыг хэлэлцэн тогтоол гаргахыг Та бүхэнд дахин санал болгож, уриалж байна. 

2016 оны УИХ-ын дүнгээр бүрэлдсэн УИХ байгуулагдсан цагаасаа хойш сонгогчдын итгэлийг хөсөрдүүлэх, ард түмний эрх ашигт харшлах олон зүйл, гэмт үйлдлүүдийг удаа дараа хийж ирлээ. Үүнийг нэхэн сануулъя. 

  • Ж.Эрдэнэбатын Засгийн газар ашиг сонирхлыг зөрчилтэй, асар их үнийн дүнтэй концессийн гэрээнүүдийг ЗГ, УИХ-ын гишүүдийн өөрсдийн хамаарал бүхий компаниудтай байгуулж алдаатай олон бодлого явуулсан учир огцорсон. 
     
  • УИХ-ын 39 гишүүн өргөсөн тангаргаа умартан, төрийн албыг уландаа гишгэн ЖДҮХС-гаас жилийн 3 хувийн хүүтэй зээлийг нэн хөнгөлөлттэй нөхцөлөөр өөрсдөдөө олгуулж, жирийн иргэдийнхээ боломжийг хулгайлсан нь тогтоогдсон. 
     
  • Төрийн албыг үнэлэн наймцаалцах 60 тэрбумын хэрэгт МАН, УИХ-ын дарга байсан хүн холбогдсон. Уг асуудалд хутгалдсанаа өөрөө зөвшөөрсөн үйлдэл. 
     
  • УИХ-ын гишүүд хуулийг өөрийн эрх ашигт нийцүүлэх замаар гэмт этгээдүүдийг хөөн хэлэлцэх хугацаа дууссан гэх нэрийдлээр хуулийн хариуцлагаас мултлах, хүчин, хүн амины хэрэгт нэр холбогдох, авлигын гэмт хэрэгт сэрдэгдэх нь улам бүр даамжирч, УИХ-ын гишүүд ард түмний төлөөлөл байх ёсзүйн чадамжаа алдаад байна. Наад зах нь Төрийн ордны тухай хуулиудыг ноцтойгоор зөрчиж, албан тасалгаандаа согтууруулах ундаа хадгалах, хэрэглэх байдал даамжирснаар ЭРДЭНЭТ ХҮНИЙ АМЬ сүйдэх нөхцөл ч бүрдлээ.  
     
GoGo Facebook Хуудас
 
 
УИХ дахь АН-ын зөвлөл Ерөнхийлөгчийг парламентаас сонгох нь зүйтэй гэж үзэж, энэ талаар Үндсэн хуульд оруулах нэмэлт өөрчлөлтөд тусгуулах санал гаргалаа. Таны бодлоор цаашид Ерөнхийлөгчийг иргэд биш парламент сонгох нь зөв үү.
Нийт 390 санал өгсөн байна.

Дээшээ