МАН-ын Удирдах зөвлөл У.Хүрэлсүхийг нэр дэвшүүлэхээр ярилцаж байна

Энэ мэдээг шинэ хувилбараар унших бол арын товч дээр дарна уу
Сэтгүүлч Э.Оргил GoGo.mn

2019-05-24 13:02 GMT+8

Улс төрийн намууд өнөөдрөөс УИХ-ын 42-р тойрогт нэр дэвшигчээ зарлаж эхэллээ. МАХН намын дарга Н.Энхбаярыг нэрлэсэн бол МАН-ын Удирдах зөвлөл хоёр хоногийн өмнө энэ асуудлаар хуралдсан байна.

Удирдах зөвлөлөөс намын Бага хурлаа энэ сарын 28 буюу ирэх мягмар гарагт хуралдуулахаар товложээ. Энэ хурлаар УИХ-ын 42 дугаар тойрог буюу Хэнтийн нөхөн сонгуульд нэр дэвшигчийг тодруулах аж.

Эрх баригч намаас хэнийг нэр дэвшүүлэх талаар хэд хэдэн хүний нэр яригдаад эхэлжээ. МАН-ын Ерөнхий нарийн бичгийн дарга Д.Амарбаясгалан Удирдах зөвлөлийн хурал дээр Хэнтий аймгийн 42 дугаар тойрогт явуулсан тандалт судалгааныхаа дүнг танилцуулжээ.

Энэ судалгаагаар МАН-ын дарга, Ерөнхий сайд У.Хүрэлсүх нэр дэвшихээр горьлогсдоос хамгийн өндөр рейтингтэй яваа аж. Тиймээс Удирдах зөвлөлөөс намын Бага хуралд У.Хүрэлсүхийг УИХ-ын 42 дугаар тойрогт нэр дэвшүүлэх санал оруулна гэх мэдээлэл байна. 

GoGo Facebook Хуудас
 
 
УИХ дахь МАН-ын бүлгийн гишүүд УИХ-ын гишүүдийн тоог 99 болгон нэмье гэж санал нэгдэв. Харин АН-ын зөвлөл болон Ерөнхийлөгч 108 байх ёстой гэсэн юм. Таны бодлоор УИХ-ын гишүүдийн тоо хэд байх нь зөв бэ?
Нийт 200 санал өгсөн байна.

Дээшээ