Нийслэлийг танилцуулах хотын автобустай аялал эхэллээ

Энэ мэдээг шинэ хувилбараар унших бол арын товч дээр дарна уу
Б.Чимэг GoGo.mn

2019-05-27 13:55 GMT+8

Дотоод гадаадын жуулчдад дэлхийн жишигт нийцсэн үйлчилгээг үзүүлэх “Сити тур” хотын автобустай аяллыг хоёр дахь жилдээ Нийслэлийн Аялал жуулчлалын газраас эхлүүлж байна.

Гадаад жуулчдаас гадна нийслэлчүүд болон хөдөө орон нутгийн иргэд маань 380 жилийн түүхтэй нийслэл хотынхоо дурсгалт газрууд, хөгжил дэвшилтэй танилцан аялал амралт, чөлөөт цагаа ая тухтай өнгөрүүлэх боломжтой юм.

Тус аяллын онцлог нь өдөр бүр мэргэжлийн хөтчийн тайлбартайгаар жанжин Д.Сүхбаатарын талбайгаас Үлэг гүрвэлийн музей, Гандантэгчилэн хийд, Зайсан толгой, Будда парк, Эвсэг үйлдвэр, Богд хааны музей, Монголын хүүхдийн ордоноор тойрон аялна.   

Тасалбарыг аяллын автобуснаас болон дараах Жуулчны мэдээлэл, сурталчилгааны төвүүдээс авах боломжтой:

Салбар 1. Нийслэлийн Засаг захиргааны 4-р байр, 1-р давхар, Бага тойруу, 4-р хороо, Чингэлтэй дүүрэг

Салбар 2. “Монгол гэр”, Гэрэлт гудамж, Сөүлийн гудамж-42, 4-р хороо Сүхбаатар дүүрэг

Салбар 3. Монгол шуудангийн байр, 1 давхар, Сүхбаатарын талбай, 1-р хороо, Чингэлтэй дүүрэг

“Сити тур” хотын автобустай аялал таньд тав тух, аюулгүй байдал, үйлчилгээний чанарыг санал болгож байна.

GoGo Facebook Хуудас
 
 
УИХ дахь АН-ын зөвлөл Ерөнхийлөгчийг парламентаас сонгох нь зүйтэй гэж үзэж, энэ талаар Үндсэн хуульд оруулах нэмэлт өөрчлөлтөд тусгуулах санал гаргалаа. Таны бодлоор цаашид Ерөнхийлөгчийг иргэд биш парламент сонгох нь зөв үү.
Нийт 444 санал өгсөн байна.

Дээшээ