“Эрүүл иргэн” аяны хүрээнд иргэдийг үзлэг, оношилгоонд хамрагдахыг уриаллаа

Энэ мэдээг шинэ хувилбараар унших бол арын товч дээр дарна уу
Сэтгүүлч Э.Оргил GoGo.mn

2019-06-08 13:30 GMT+8

Нийслэлийн эрүүл мэндийн газрын удирдах ажилтны ээлжит шуурхай хурлаар нийслэлийн 142 өрхийн эмнэлэгт зохион байгуулж буй “Эрүүл иргэн” аяны төрөлжсөн нарийн мэргэжлийн үзлэг оношилгооны явц, “Эх, хүүхдийн тусламж, үйлчилгээг дэмжих жил”-ийн хүрээнд хийх ажлыг эрчимжүүлэх талаар холбогдох хэлтсийн дарга нар мэдээлэл хүргэжээ. 

Энэ хүрээнд эмнэлгүүдийн үйл ажиллагаатай холбоотой тулгамдсан асуудал болон тусламж, үйлчилгээний чанар, хүртээмжийн талаар харьяа эрүүл мэндийн байгууллагын дарга нар санал солилцсон байна.

Мөн саяхан Налайх дүүрэгт зохион байгуулагдсан “Шүд угаалтын анхдугаар” тэмцээний үр дүн, ач холбогдол болон иргэдийн идэвх санаачлага өндөр байсан тухай НШЭНТ-ийн дарга Л.Хэнтий, Налайх эрүүл мэндийн төвийн дарга Л.Байгаль нар мэдээлэл өгчээ.

“Нийслэлийн эрүүл мэндийн тусламж, үйлчилгээг сайжруулах сарын аян”-ыг үр дүнтэй зохион байгуулах, “Эрүүл иргэн” аяны талаарх мэдээлэл сурталчилгааг хийж иргэдийн хамрагдалтыг нэмэгдүүлэх эрүүл мэндийн байгууллагын удирдлагуудад даалгасан байна. 

GoGo Facebook Хуудас
 
 
УИХ-аар Авто тээврийн тухай хуулийн шинэчилсэн найруулгын төслийг хэлэлцэж байна. 2021 оны нэгдүгээр сарын 1-нээс хэрэгжиж эхлэх уг хуулийн төсөлд буруу талдаа жолооны хүрдтэй автомашиныг хилээр оруулахыг хориглосон заалт бий. Буруу талдаа жолооны хүрдтэй машиныг хилээр оруулахыг хориглохыг Та дэмжиж байна уу?
Нийт 4309 санал өгсөн байна.

Дээшээ