“Эрдэнэт”-ийн 65 тэрбумаар барьсан эмнэлгийг хувийн компанид 18 жилийн хугацаатай шилжүүлжээ

Энэ мэдээг шинэ хувилбараар унших бол арын товч дээр дарна уу
Сэтгүүлч Р.Адъяасүрэн

2019-06-12 11:40 GMT+8

УИХ-ын Аюулгүй байдал, гадаад бодлогын байнгын хорооны хуралдааны үеэр “Эрдэнэт үйлдвэр” ТӨҮГ-ын захирал Х.Бадамсүрэн “Эрдэнэт”-ийн барьсан эмнэлгийг хувийн компанид 18 жилийн хугацаатай шилжүүлсэн талаар мэдээллээ.

Тэрбээр “65 тэрбум төгрөгөөр барьсан бүсийн оношилгооны төвийг Япон Монголын хамтарсан компанид шилжүүлэн худалдсан бөгөөд 18 жилийн хугацаанд хуваарийн дагуу авах гэрээтэй. Манай уурхайчид жил бүр эмнэлэгт төлбөртэйгөөр үзүүлдэг. Зургаадугаар сарын 18-нд Төрийн өмчийн бодлого зохицуулалтын газарт саналаа оруулж, зарчмын шийдвэр гарсны дараа цаашид хэрхэн ашиглах, үнэлгээний талаар шийдвэр гарна” гэсэн юм.

“Эрдэнэт Үйлдвэр” ХХК нь “Хаалт-Хөгжлийн менежментийн бодлого”-ын хүрээнд  “Медипас” эмнэлгийг 100 хувийн хөрөнгө оруулалтаар байгуулж байжээ.

Тус эмнэлгийг байгуулж, орон нутагт анх удаа хамгийн орчин үеийн өндөр хүчин чадалтай тоног төхөөрөмжийг суурилуулж, хүн амд эрүүл мэндийн чанартай тусламж үзүүлэх боломжийг бүрдүүлсэн бөгөөд орчин үеийн дэвшилтэт техник, тоног төхөөрөмж бүхий эмнэлгийн цогцолбор байгуулсан байна.

GoGo Facebook Хуудас
 
 
УИХ-аар Авто тээврийн тухай хуулийн шинэчилсэн найруулгын төслийг хэлэлцэж байна. 2021 оны нэгдүгээр сарын 1-нээс хэрэгжиж эхлэх уг хуулийн төсөлд буруу талдаа жолооны хүрдтэй автомашиныг хилээр оруулахыг хориглосон заалт бий. Буруу талдаа жолооны хүрдтэй машиныг хилээр оруулахыг хориглохыг Та дэмжиж байна уу?
Нийт 4307 санал өгсөн байна.

Дээшээ