Дараагийн үеийн Xbox 2020 онд худалдаанд гарна

Энэ мэдээг шинэ хувилбараар унших бол арын товч дээр дарна уу

2019-06-12 15:50 GMT+8

Видео тоглоомын салбарын хамгийн том арга хэмжээ болох “E3” 6-р сарын 11-ээс 13-ны өдрүүдэд Лос Анжелес хотод болж байгаа билээ. Энэ үеэр тэргүүлэх хэвлэл мэдээллийнхний анхаарал уг арга хэмжээн дээр төвлөрдөг бөгөөд үүнийг ашиглан технологийн томоохон компаниуд шинэ бүтээгдэхүүн, үйлчилгээгээ зарладаг уламжлалтай. Майкрософт ч гэсэн үүнээс хоцролгүй, дараагийн үеийн Xbox-ын талаар цөөн ч гэсэн сонирхолтой мэдээллийг ил болголоо.

2020 онд худалдаалагдаж эхлэх, шинэхэн Xbox тусгайлан бүтээгдсэн процессортой байх бөгөөд одоогийн Xbox One X-ээс дөрөв дахин хүчирхэг байх аж. Түүнчлэн тус консолоор аливаа тоглоомыг 8K, 120fps тохиргоотойгоор тоглох боломжтой гэнэ.

Танилцуулгын үеэр “Бид шинэ үеийн SSD-г бүтээсэн бөгөөд эдгээр SSD-г шуурхай санах ойны (RAM) зориулалтаар ашиглаж байгаа” хэмээжээ.

Мөн шинэ Xbox-той хамтаар алдарт Halo цувралын шинэ тоглоом болох Halo Infinite-ыг танилцуулж консолын тоглоомонд шинэ стандарт тогтоохоо мэдэгдсэн юм. Одоогоор шинэ Xbox-ын талаар дээр дурдагдсанаас өөр мэдээлэл ил болоогүй байна. Салбарынхны үзэж буйгаар ирэх жилийн E3 арга хэмжээний үеэр илүү их мэдээлэл ил болох ажээ.

Эх сурвалж: The Verge

GoGo Facebook Хуудас
 
 
УИХ дахь МАН-ын бүлгийн гишүүд УИХ-ын гишүүдийн тоог 99 болгон нэмье гэж санал нэгдэв. Харин АН-ын зөвлөл болон Ерөнхийлөгч 108 байх ёстой гэсэн юм. Таны бодлоор УИХ-ын гишүүдийн тоо хэд байх нь зөв бэ?
Нийт 199 санал өгсөн байна.

Дээшээ