Бид Алтанбулагийн боомтод очин, хилээр шалган нэвтрүүлэх ажиллагаа, хяналтын систем зэрэгтэй нь танилцсан юм. Жилд дунджаар 250 мянга гаруй хүн зорчдог Алтанбулаг нь ОХУ-тай хиллэдэг хамгийн том боомт билээ.
Сэлэнгэ аймгийн Алтанбулаг сумын хилийн боомт 24 цагаар ажилладаг, боомтыг хариуцсан цагдаагийн хэсэг 8 хүний бүрэлдэхүүнтэй.
Сумын цагдаагийн хэлтсийн дарга Д.Наран “Хилийн орчимд залилах гэмт хэрэг ихэвчлэн гардаг. ОХУ-руу аяллаар болон, албан ажлаар зорчихдоо иргэд согтууруулах ундаа хэрэглэж, дараалал дайрах, хилийн алба хаагчидтай маргалдах зөрчил их.” хэмээн ярив.
Сэлэнгэ аймгийн цагдаагийн газарт 2019 оны эхний таван сарын байдлаар гэмт хэрэг, зөрчлийн шинжтэй 14 гомдлыг иргэд, байгууллагаас хүлээн авч шалгасан байна. Үүний 36 хувь нь гэмт хэргийн шинжтэй, 64 хувь нь зөрлийн шинжтэй дуудлага байжээ.
Сэлэнгэ аймгийн гэр бүлийн хүчирхийлэл, хүүхдийг гэмт хэргээс урьдчилан сэргийлэх ажил хариуцсан ахлах мэргэжилтэн Б.Үжинханд “Он гарснаас хойш улсын хилээр хууль бусаар бараа нэвтрүүлэхийг завдсан хоёр гэмт хэргийг бүртгэсэн. Техник хэрэгсэл харьцангуй дутмаг байгаа ч бид боломжит нөөцөө ашиглан ажиллаж байна.” гэв.
Алтанбулагийн боомтоор өдөрт 2000 гаруй зорчигч, 600 гаруй тээврийн хэрэгсэл зорчдог
Сэлэнгэ аймаг дахь гаалийн газрын гаалийн улсын ахлах байцаагч Н.Булганчимэг “Амралтын үе эхэлснээс боомтын ачаалал нэмэгдэж байна.
Бид хяналт шалгалтыг рентген болон бичлэгийн аргаар цаг тухайд нь тогтмол хийж гүйцэтгэж байгаа.” гэж хэлэв.
Боомтод хураагдсан барааг зохицуулахын тулд цагдаа, гааль, мэргэжлийн хяналтын газраас хамтарсан комисс гаргаж, ашиглаж болох эсэхийг шалгадаг. Ашиглаж болохоор бараа, бүтээгдэхүүн байвал худалдан улсын төсөвт оруулдаг ба ашиглах боломжгүй бол устгадаг аж.
2019 он гарснаас хойш эм, эмийн төрлийн бүтээгдэхүүнийг хууль бусаар хил давуулахыг завдсан нийт 37 тохиолдол гаалийн газар илрүүлжээ.
“Хэдийгээр бид эм, эмийн төрлийн бүтээгдэхүүнтэй холбоотой зөрчлүүдийг илрүүлдэг ч хууль бус аргаар хил нэвтрүүлэх үйлдлүүд гарсаар байгаа тул та бүхэн тусгай зөвшөөрөлтэй байгууллагаас буюу эмийн сангаас эм, эмийн төрлийн бүтээгдэхүүнээ аваарай” хэмээн Гаалийн ерөнхий газраас зөвлөлөө.
Манай улс 2018 оны хоёрдугаар сарын 17-ны өдрөөс эхлэн дэлхийн худалдаа хөгжлийн баримт бичигт нэгдсэн юм. Тухайн баримт бичиг хууль ёсны худалдааг дэмжих, хурдан шуурхай байж, бүү саатуул гэсэн зарчимтай.
“Бид тээврийн хэрэгсэлд ачсан их хэмжээний бараанд 100 хувийн үзлэг хийнэ гэвэл их цаг зарцуулдаг. Тэр хэмжээгээр гадаад худалдаанд саад болно. Тиймээс рентгенээр хянадаг төхөөрөмж, системд шилжиж байна. Хэрэв эрсдэлгүй бол шууд явуулна, эрсдэлтэй гэж үзвэл нарийвчилсан үзлэг хийнэ.” хэмээн Гаалийн ерөнхий газрын гаалийн улсын байцаагч Ч.Тамир хэлэв.
Бид Алтанбулагийн боомтод очин, хилээр шалган нэвтрүүлэх ажиллагаа, хяналтын систем зэрэгтэй нь танилцсан юм. Жилд дунджаар 250 мянга гаруй хүн зорчдог Алтанбулаг нь ОХУ-тай хиллэдэг хамгийн том боомт билээ.
Сэлэнгэ аймгийн Алтанбулаг сумын хилийн боомт 24 цагаар ажилладаг, боомтыг хариуцсан цагдаагийн хэсэг 8 хүний бүрэлдэхүүнтэй.
Сумын цагдаагийн хэлтсийн дарга Д.Наран “Хилийн орчимд залилах гэмт хэрэг ихэвчлэн гардаг. ОХУ-руу аяллаар болон, албан ажлаар зорчихдоо иргэд согтууруулах ундаа хэрэглэж, дараалал дайрах, хилийн алба хаагчидтай маргалдах зөрчил их.” хэмээн ярив.
Сэлэнгэ аймгийн цагдаагийн газарт 2019 оны эхний таван сарын байдлаар гэмт хэрэг, зөрчлийн шинжтэй 14 гомдлыг иргэд, байгууллагаас хүлээн авч шалгасан байна. Үүний 36 хувь нь гэмт хэргийн шинжтэй, 64 хувь нь зөрлийн шинжтэй дуудлага байжээ.
Сэлэнгэ аймгийн гэр бүлийн хүчирхийлэл, хүүхдийг гэмт хэргээс урьдчилан сэргийлэх ажил хариуцсан ахлах мэргэжилтэн Б.Үжинханд “Он гарснаас хойш улсын хилээр хууль бусаар бараа нэвтрүүлэхийг завдсан хоёр гэмт хэргийг бүртгэсэн. Техник хэрэгсэл харьцангуй дутмаг байгаа ч бид боломжит нөөцөө ашиглан ажиллаж байна.” гэв.
Алтанбулагийн боомтоор өдөрт 2000 гаруй зорчигч, 600 гаруй тээврийн хэрэгсэл зорчдог
Сэлэнгэ аймаг дахь гаалийн газрын гаалийн улсын ахлах байцаагч Н.Булганчимэг “Амралтын үе эхэлснээс боомтын ачаалал нэмэгдэж байна.
Бид хяналт шалгалтыг рентген болон бичлэгийн аргаар цаг тухайд нь тогтмол хийж гүйцэтгэж байгаа.” гэж хэлэв.
Боомтод хураагдсан барааг зохицуулахын тулд цагдаа, гааль, мэргэжлийн хяналтын газраас хамтарсан комисс гаргаж, ашиглаж болох эсэхийг шалгадаг. Ашиглаж болохоор бараа, бүтээгдэхүүн байвал худалдан улсын төсөвт оруулдаг ба ашиглах боломжгүй бол устгадаг аж.
2019 он гарснаас хойш эм, эмийн төрлийн бүтээгдэхүүнийг хууль бусаар хил давуулахыг завдсан нийт 37 тохиолдол гаалийн газар илрүүлжээ.
“Хэдийгээр бид эм, эмийн төрлийн бүтээгдэхүүнтэй холбоотой зөрчлүүдийг илрүүлдэг ч хууль бус аргаар хил нэвтрүүлэх үйлдлүүд гарсаар байгаа тул та бүхэн тусгай зөвшөөрөлтэй байгууллагаас буюу эмийн сангаас эм, эмийн төрлийн бүтээгдэхүүнээ аваарай” хэмээн Гаалийн ерөнхий газраас зөвлөлөө.
Манай улс 2018 оны хоёрдугаар сарын 17-ны өдрөөс эхлэн дэлхийн худалдаа хөгжлийн баримт бичигт нэгдсэн юм. Тухайн баримт бичиг хууль ёсны худалдааг дэмжих, хурдан шуурхай байж, бүү саатуул гэсэн зарчимтай.
“Бид тээврийн хэрэгсэлд ачсан их хэмжээний бараанд 100 хувийн үзлэг хийнэ гэвэл их цаг зарцуулдаг. Тэр хэмжээгээр гадаад худалдаанд саад болно. Тиймээс рентгенээр хянадаг төхөөрөмж, системд шилжиж байна. Хэрэв эрсдэлгүй бол шууд явуулна, эрсдэлтэй гэж үзвэл нарийвчилсан үзлэг хийнэ.” хэмээн Гаалийн ерөнхий газрын гаалийн улсын байцаагч Ч.Тамир хэлэв.