Эрсдэлт бүлэгт хүрч ажиллах сүлжээ байгуулна

Энэ мэдээг шинэ хувилбараар унших бол арын товч дээр дарна уу
GoGo.mn

2019-06-12 17:32 GMT+8

”Женев хот дахь ДОХ, Сүрьеэ, хумхаа өвчинтэй тэмцэх Глобаль сангийн зөвлөмжийн дагуу “Төгс бүсгүйчүүд” ТББ-аас  ЭМЯ-тай хамтран Эмэгтэй биеэ үнэлэгчдийг БЗДХ, ХДХВ-ийн халдвараас сэргийлэх, тусламж үйлчилгээ үзүүлэх чиглэлээр ажилладаг төр, төрийн бус байгууллагуудын хамтын ажиллагааг бэхжүүлэх, ТББ-уудын сүлжээ байгуулах, зөвлөлдөх уулзалтыг өнөөдөр зохион байгууллаа. 

Дэлхийн хэмжээнд БЗДХ, ХДХВ-ын халдвараар өвчлөх, нас барах үзүүлэлт буурсан ч Ази номхон далайн бүс нутагт эсрэгээр өссөн судалгаа гарчээ.  Энэ төрлийн халдварын тархалт өндөр бүсэд байгаагийн хувьд манай улс урьдчилан сэргийлэх, эрсдэлтэй бүлэгт хүрч ажиллах ажиллагааг сайжруулах шаардлага байгааг мэргэжлийн байгууллагууд онцолж байна. 

Энэ удаагийн уулзалтад ЭМЯ, ХЗН, ЭМГ, НЭМХ, ХӨСҮТ болон зургаан дүүрэг, есөн аймгаас энэ чиглэлээр үйл ажиллагаа эрхэлдэг ТББ-ууд нийлсэн 60 гаруй төлөөлөгчид оролцож байна. Зөвлөлдөх уулзалт Пума империал зочид буудлын хурлын танхимд эхэлсэн бөгөөд хоёр өдөр үргэлжилнэ. 

Уулзалтын үр дүнд энэ чиглэлээр үйл ажиллагаа явуулдаг төрийн болон төрийн бус байгууллагуудын сүлжээг байгуулж, ЭБҮ-ийн эсрэг гутаан доромжлол, нийгмийн гадуурхлаас ангид тэгш эрх эдлэх боломжийг нэмэгдүүлэх, БЗДХ, ХДХВ-т өвчлөлийн эрсдэлийг бууруулах, өвчлөлийн мэдээллийн сүлжээг бий болгож урьдчилан сэргийлэх, эрт илрүүлэлт, эмчилгээнд эрт хамруулахад бодит үр дүнг үзүүлнэ гэж байгаагаа уулзалтыг зохион байгуулагчдын зүгээс онцолсон юм.

Төслийг хариуцан зохион байгуулж буй “Төгс бүсгүйчүүд” ТББ-ын хувьд  Ази Номхон Далайн Бүсийн эмэгтэй биеэ үнэлэгчдийн холбоонд гишүүнээр элсэн орж ЭБҮ-дийн дунд анх удаа кейс менежментийн үйлчилгээг нэвтрүүлэн ажиллаж буй юм байна. 
            

 

GoGo Facebook Хуудас
 
 
УИХ дахь МАН-ын бүлгийн гишүүд УИХ-ын гишүүдийн тоог 99 болгон нэмье гэж санал нэгдэв. Харин АН-ын зөвлөл болон Ерөнхийлөгч 108 байх ёстой гэсэн юм. Таны бодлоор УИХ-ын гишүүдийн тоо хэд байх нь зөв бэ?
Нийт 199 санал өгсөн байна.

Дээшээ