Төв аймгийн замд гарсан ослын улмаас таван хүн амиа алджээ

Энэ мэдээг шинэ хувилбараар унших бол арын товч дээр дарна уу

2019-06-17 12:45 GMT+8

Төв аймгийн Баянхангай сумаас Улаанбаатар хот руу чиглэлтэй 10 км замд өчигдөр Toyota Land Cruiser маркийн автомашин онхолдож ,таван хүн амиа алдаж, нэг хүн гэмтжээ.

Тээврийн цагдаагийн албаны урьдчилан сэргийлэх хэлтсийн ахлах мэргэжилтэн Б.Лхагважаргал “Амралтын өдрүүдээр орсон борооны улмаас Улаанбаатараас гарч буй замын хөдөлгөөний нөхцөл байдал нэлээд хүндэрсэн. Яг одоогийн байдлаар Төв аймгийн Лүн, Баянхангайн нутагт Улаанбаатараас 117 дахь км-т хөдөлгөөнийг түр хугацаагаар хязгаарласан. Өнөөдөр 18 цагт хөдөлгөөний хэвийн нөхцөлд оруулна гэж байгаа ч хугацаа сунгаж магадгүй байна. Мөн Төв аймгаас Дундговь аймгийн Мандалговь сумруу явах замд 70 дахь км-т зорчих хэсгийн нэг эгнээ бүхэлдээ усанд урсаж Төв аймгийн замын цагдаагийн алба хаагчид тухайн зам дээр хөдөлгөөн зохион байгуулалт хийж байна.

Бусад аймгуудын нутгаар зорчих хэсгийн хоёр талын шороон хэсэг усанд автсан нөхцөл байдалтай байна. Үүний улмаас замыг тойрч гарах үед зам тээврийн осол болох хандлага их байна. Тиймээс орон нутгийн замд зорчиж буй иргэд аюулгүй байдлаа хангаж анхаарал, болгоомжтой хурдаа зөв тохируулах шаардлагатай. Төв аймгийн Баянхангай сумаас Улаанбаатар хот руу чиглэлтэй 10 км замд өчигдөр Toyota Land Cruiser маркийн автомашин онхолдож таван хүн нас барж, нэг хүн гэмтсэн” гэж ярив.

GoGo Facebook Хуудас
 
 
Ерөнхийлөгчийн санаачилсан Монгол Улсын Үндсэн хуульд оруулах нэмэлт, өөрчлөлтийн төслийн УИХ-ын гишүүдийн тоог 108 болгож, бүрэн эрхийн хугацааг таван жил болгох заалтыг та дэмжиж байна уу.
Нийт 550 санал өгсөн байна.

Дээшээ