Эрдоганы нам Истанбул хотын даргын сонгуульд дахин ялагдал хүлээжээ

Энэ мэдээг шинэ хувилбараар унших бол арын товч дээр дарна уу
Э.Онон GoGo.mn

2019-06-24 11:00 GMT+8

Өчигдөр болсон Истанбул хотын даргын нөхөн сонгуульд Туркийн эрх баригч нам дахин ялагдал хүлээжээ.

Сөрөг хүчний намын нэр дэвшигч Экрем Имамоглу нийт саналын 54 хувийг авчээ. Тэрээр гуравдугаар сард болсон орон нутгийн сонгуульд ялалт байгуулсан ч Эрдоганы Шударга ёс, хөгжлийн нам сонгуулийг будлиантай явагдсан хэмээн үзээд дахин сонгууль явуулах шийдвэр гаргасан юм.

Шударга ёс, хөгжлийн намаас дэвшигч Бинали Илдирим сонгуулийн дүнг хүлээн зөвшөөрсөн бол Туркийн Ерөнхийлөгч Режеп Тайип Эрдоган Истанбул хотын шинэ даргад баяр хүргэжээ.

Энэхүү сонгуулийн дүн “Хэн Истанбулд ялна, тэр Туркт ялна” хэмээн хэлж байсан Эрдоганы хувьд томоохон цохилт болсон аж. Сонгуульд хоёр дахь удаагаа ялсан Имамоглу тус хот болон улсын хувьд “шинэ эхлэл” ирж байгааг зарласан байна.

Эх сурвалж: BBC

GoGo Facebook Хуудас
 
 
Ерөнхийлөгчийн санаачилсан Монгол Улсын Үндсэн хуульд оруулах нэмэлт, өөрчлөлтийн төслийн УИХ-ын гишүүдийн тоог 108 болгож, бүрэн эрхийн хугацааг таван жил болгох заалтыг та дэмжиж байна уу.
Нийт 660 санал өгсөн байна.

Дээшээ