2019.07.01 Өнөөдөр болсон ОНЦЛОХ таван үйл явдал

Энэ мэдээг шинэ хувилбараар унших бол арын товч дээр дарна уу
Б.Чимэг GoGo.mn

2019-07-01 18:19 GMT+8

100 айлын авто замыг шинэчлэн засварлахтай холбоотойгоор өнөөдрөөс тус замыг хаана гэдгийг Нийслэлийн Засаг даргын Тамгын газраас мэдээллээ.

 

Ерөнхийлөгчийн ивээл дор зохион байгуулж буй “Монгол дархан” үзэсгэлэн өнөөдөр Монголын уран зургийн галерейд нээлтээ хийлээ.Нээлтэд Монгол Улсын Ерөнхийлөгч Х.Баттулга хүрэлцэн очиж, дархадын ур ухаан шингэсэн бүтээлүүдтэй танилцлаа. Үзэсгэлэнг цаашид Монгол туургатны хэмжээнд зохион байгуулах суурь байна хэмээн “Монгол төрийн дархан” нэгдсэн холбооныхон талархан хүлээн авлаа.

Жил бүрийн долоодугаар сарын 3-ны өдрийг “Тагнуулын ажилтны өдөр” болгон тэмдэглэдэг. Тэгвэл эл өдөрт зориулан тагнуулын байгууллагын тусгай архивд хадгалагдаж буй тамга тэмдгүүдээр төрөлжсөн үзэсгэлэн гаргажээ. Тамга, тэмдгүүдийг олон нийтэд таниулах, судалгааны эргэлтэд оруулах зорилготой уг үзэсгэлэн энэ сарын 1-15-ныг дуустал, өдөр бүр 09:00 цагаас 18:00 цаг хүртэл үргэлжлэх аж.

Монгол Улсад айлчилж буй АНУ-ын Ерөнхийлөгчийн Үндэсний аюулгүй байдлын зөвлөх, Элчин сайд Жон Болтон өнөөдөр Монгол Улсын Ерөнхийлөгч Х.Баттулгад бараалхлаа. Уулзалтын эхэнд Монгол Улсын Ерөнхийлөгч Х.Баттулга ноён Элчин сайд Болтоны Монгол Улсад хийж буй  айлчлал нь АНУ-ын зүгээс хоёр улсын харилцаа, хамтын ажиллагаанд ач холбогдол өгч буйн илрэл гээд, АНУ-ын Мянганы Сорилтын Корпорацитай байгуулсан компакт гэрээ хоёр орны хамтын ажиллагаанд чухал үүрэгтэй болохыг тэмдэглэв.

Баянгол дүүрэгт байрлах “Хүрмэн” эмийн сангийн үйл ажиллагаанд хяналт шалгалт хийлээ. Шалгалтаар  тус эмийн сан нь Ааг фарм ХХК-ийн эмийн сангийн Эм барих тусгай зөвшөөрлийг ашиглаж байсан ба тусгай зөвшөөрлийн гэрчилгээн дээр заасан хаяг байршилд ажиллаагүй, үйлдвэрлэгч болон дуусах огноо зэрэг нь тодорхойгүй Жор-40, Жор-50 нунтаг хэлбэрийн эмийг борлуулдаг, хуурамч Сэтгэцэт нөлөөт эмийн жороор эм олгосон зэрэг зөрчлүүдийг илэрлээ.

GoGo Facebook Хуудас
 
 
Ерөнхийлөгчийн санаачилсан Монгол Улсын Үндсэн хуульд оруулах нэмэлт, өөрчлөлтийн төслийн УИХ-ын гишүүдийн тоог 108 болгож, бүрэн эрхийн хугацааг таван жил болгох заалтыг та дэмжиж байна уу.
Нийт 550 санал өгсөн байна.

Дээшээ