Лондонд нэгэн жуулчин халаасны бүлэг хулгайчдын үйлдлийг санамсаргүй бичжээ

Энэ мэдээг шинэ хувилбараар унших бол арын товч дээр дарна уу
Б.Сондор GoGo.mn

2019-07-09 15:15 GMT+8

Дэлхийн хөгжингүй орнуудын томоохон хотуудад гэмт хэргийн гаралт тэр дундаа халаасны хулгай гардаггүй гэж хүмүүс боддог. Гэтэл үнэндээ том жижиг гэлтгүй бүхий л хотод халаасны хулгайн гэмт хэрэг гардаг юм. 

Лондон хоттой танилцаж явсан Тайландын жуулчин Нина Спенсэр өөрийн найз Тойтой хамт Кэмбрижийн Цирк үзэхээр явган хүний гарцаар зам хөндлөн гарч явахдаа өөрсдийнхөө селфиний гарыг ашиглан утсаараа бичлэг хийжээ. Тэгтэл тэдний ард явж байсан бүлэг эмэгтэйчүүд Той бүсгүйн цүнхнээс хэтэвчийг нь аван бие биедээ дамжуулсаар цааш холдон одож буй дүр зураг бичлэгт үлджээ. Түүний хэтэвчинд 400 фунт стерлинг байсан гэнэ. 

Их Британид жилд 600 мянга гаруй энэ мэт хэрэг гардаг гэнэ. Лондонд 2010-2012 онд халаасны хулгайн гэмт хэрэг 20 хувиар өсчээ. Хамгийн их халаасны хулгайн гэмт хэргийн гаралтаар Испанийн Барселона, Италийн Ром, Чехийн Прага, Испанийн Мадрид, Францын Парис, Италийн Флоренц, Аргентины Буэнос-Айрес, Нидерландын Амстердам, Грекийн Афин, Вьетнамын Ханой зэрэг хотууд ордог байна. (Эх сурвалж: TripAdvisor)

Халаасны хулгайчдын арга нь хүртэл улам нарийсчээ. Жишээ нь жуулчныг нэгэн эмэгтэй сайн дурын ажилд хүмүүсийн гарын үсэг цуглуулж байна хэмээн саатуулж байх хооронд өөр нэгэн жуулчин хажууд нь сонирхож ирж буй мэт дүр эсгэх нь хамсаатан нь байдаг гэнэ. Дэлгэрэнгүйг дараах бичлэгээс үзнэ үү. 

Гадаадын орнуудад аялахаар явахдаа жуулчдын анхаарал өөр зүйл дээр төвлөрч бие дэх эд зүйлсээ тэр бүр анзаардаггүй. Тиймээс олон нийтийн газар, өөр хотод аялахаар явахдаа халаасны хулгайн гэмт хэргээс урьдчилан сэргийлж өөрийн эд зүйлсэд анхааралтай, биедээ ойр байлгахыг зөвлөж байна. 

Эх сурвалж: The Sun

GoGo Facebook Хуудас
 
 
Ерөнхийлөгчийн санаачилсан Монгол Улсын Үндсэн хуульд оруулах нэмэлт, өөрчлөлтийн төслийн УИХ-ын гишүүдийн тоог 108 болгож, бүрэн эрхийн хугацааг таван жил болгох заалтыг та дэмжиж байна уу.
Нийт 471 санал өгсөн байна.

Дээшээ