ТҮК-ийн ажилчид үүрийн гэгээнээс үдшийн бүрий хүртэл ажиллаж байна

Энэ мэдээг шинэ хувилбараар унших бол арын товч дээр дарна уу
Сэтгүүлч Р.Адъяасүрэн

2019-07-11 15:43 GMT+8

Хүй долоон худагт наадамлаж буй наадамчин олныг тав тухтай байлгах үүднээс тохижилт үйлчилгээний ажилтнууд үүрийн гэгээнээс үдшийн бүрий хүртэл ажиллаж байна.

Тэд өглөө үүр цайхтай зэрэгцэн буюу 04 цагаас орой хүний хөл татартал буюу ойролцоогоор 23.00 цаг хүртэл цэвэрлэгээ хийж байгаа талаараа хэллээ.

Нийслэлийн тохижилт үйлчилгээний газрын 200 гаруй, Сонгинохайрхан дүүргийн салбарын ажилчид Хүй долоон худагт ажиллаж байна.

Өнгөрсөн жилүүдээс наадмын талбай дахь хог бага байгаа нь тасралтгүй цэвэрлэж байгаатай холбоотой аж. Шар хантааз өмссөн ТҮК-ийн ажилчид том ногоон уут барин иргэдийн хаясан хогийг түүж байна. Тэдний заримынх нь хэлж буйгаар хүн хүчээ нэмж олуулаа тасралтгүй ажиллаж байгаагаас гадна иргэд хогоо хогийн саванд хийх дадал зуршил бага боловч нэмэгджээ.

Та бүхэн хогоо зөвхөн хогийн саванд хийж, соёлтой сайхан наадаарай.  

GoGo Facebook Хуудас
 
 
Ерөнхийлөгчийн санаачилсан Монгол Улсын Үндсэн хуульд оруулах нэмэлт, өөрчлөлтийн төслийн УИХ-ын гишүүдийн тоог 108 болгож, бүрэн эрхийн хугацааг таван жил болгох заалтыг та дэмжиж байна уу.
Нийт 466 санал өгсөн байна.

Дээшээ