ИХ НАС: Завхан аймгийн харьяат, Тод манлай уяач Т.Галбадрахын бор морь түрүүллээ

Энэ мэдээг шинэ хувилбараар унших бол арын товч дээр дарна уу
Сэтгүүлч Р.Адъяасүрэн

2019-07-11 17:24 GMT+8

Завхан аймгийн Тосонцэнгэл сумын уугуул, Монгол Улсын Тод манлай уяач Төмөрбаатарын Галбадрахын бор хурдалж, торгон жолоогоо өргүүллээ. Бор морийг 209 дугаартай 9 настай Пүрэвсүрэнгийн Пүрэвбат унаж уралдлаа.Нийслэлийн уяач М.Алтан-Очир энэ морийг уяжээ. 

Аман хүзүүнд Завхан аймгийн Завханмандал сумын уяач, аймгийн алдарт уяач Цэрэндоржийн Мөнххуягийн цавьдар морь хурдаллаа. Энэ морийг 307 дугаартай 8 настай Буянтогтохын Батсүлд унаж, хурдлуулжээ.

Айргийн гуравт Өмнөговь аймгийн Хүрмэн сумын харьяат, “Эрдэнэт” ТӨҮГ-ын захирал, Монгол Улсын алдарт уяач Хоохорын Бадамсүрэнгийн элбэг хээр хурдаллаа. Элбэг хээрийг 519 дугаартай 10 настай Мөнгөнзулын Түшиг хүү унажээ.

Айргийн дөрөвт Баянхонгор аймгийн Бууцагаан сумын уугуул, аймгийн алдарт уяач Нямаын Баттөмөрийн хар морь хурдаллаа. Хар морийг 881 дугаартай 11 настай Наранцэцэгийг Билгүүнманлай унаж хурдлууллаа.

Айргийн тавд Говь-Алтай аймгийн Баян-Уул сумын уугуул, Монгол Улсын тод манлай уяач Дагвадоржийн Ганбаатарын хурдан зээрд орлоо. 101 дугаартай 10 настай Энхболдын Даваабаатар унаж хурдлууллаа. Энэ зээрд морь соёолон насандаа төрийн их наадамд түрүүлж байсан хурдан ажнай юм. 

Энэ жил нийт 365 ажнай бүртгүүлснээс 272 нь гарааны зурхай руу хөдөлжээ. Морьдын бүртгэл дөнгөж сая дууслаа. Дүрмийн дагуу эрлийз монгол морьд тусдаа уралдана. 

Монгол морьдыг ялгахдаа тухайн морины үүлдэр, гадаад төрх байдлаар нь ялгаж, морьдын нурууны өндрийг тогтоосон юм. Их нас 144 см өндөр байх ёстой. Их насны морьд 25 км буюу хамгийн хол зайд уралдав.

GoGo Facebook Хуудас
 
 
Ерөнхийлөгчийн санаачилсан Монгол Улсын Үндсэн хуульд оруулах нэмэлт, өөрчлөлтийн төслийн УИХ-ын гишүүдийн тоог 108 болгож, бүрэн эрхийн хугацааг таван жил болгох заалтыг та дэмжиж байна уу.
Нийт 472 санал өгсөн байна.

Дээшээ