Бали арлын ойролцоо зургаан магнитудын хүчтэй газар хөдөлжээ

Энэ мэдээг шинэ хувилбараар унших бол арын товч дээр дарна уу
Э.Онон GoGo.mn

2019-07-16 11:15 GMT+8

Индонезийн аялал жуулчлалын бүс болох Бали арлын ойролцоо өнөөдөр орон нутгийн цагаар өглөө 7 цагт зургаан магнитудын хүчтэй газар хөдөлжээ. Энэ тухай тус улсын гамшгаас хамгаалах менежментийн агентлаг мэдээлэв.

Газар хөдлөлтийн голомт 68 км-ийн гүнд байжээ. Одоогийн байдлаар цунамигийн аюул байхгүй бөгөөд ноцтой осол, хохирол гараагүй байна. Мөн газар хөдлөлтийн дараа ойролцоо байсан мужуудад доргилт үүссэн байдал бүртгэгджээ.

Индонез нь галт уул дэлбэрэх, газар хөдлөлт болох зэрэг байгалийн гамшиг түгээмэл тохиолддог бүс нутагт оршдог. Тус улсад 130 орчим идэвхтэй галт уул байдаг аж.

Өнгөрсөн ням гарагт Индонезийн Малуку арлуудын томоохон арал болох Хальмахерад 7.3 магнитудын хүчтэй газар хөдлөлт болж нэг хүн амиа алдсан билээ.

Эх сурвалж: Business insider

GoGo Facebook Хуудас
 
 
УИХ дахь АН-ын зөвлөл Ерөнхийлөгчийг парламентаас сонгох нь зүйтэй гэж үзэж, энэ талаар Үндсэн хуульд оруулах нэмэлт өөрчлөлтөд тусгуулах санал гаргалаа. Таны бодлоор цаашид Ерөнхийлөгчийг иргэд биш парламент сонгох нь зөв үү.
Нийт 254 санал өгсөн байна.

Дээшээ