БНХАУ-ын Дэд дарга хоёр орны харилцаанд чухал үүрэг гүйцэтгэсэн хүмүүсийг шагнажээ

Энэ мэдээг шинэ хувилбараар унших бол арын товч дээр дарна уу
Б.Чимэг GoGo.mn

2019-07-16 12:43 GMT+8

Ерөнхий сайд У.Хүрэлсүхийн урилгаар Бүгд Найрамдах Хятад Ард Улсын Дэд дарга Ван Чишань-ийн Монгол Улсад хийсэн айлчлал энэ сарын 10-12-ны хооронд үргэлжилсэн юм. Энэ удаагийн айлчлал Монгол, Хятадын хооронд дипломат харилцаа тогтоосны 70 жилийн ой, Найрсаг, харилцаа хамтын ажиллагааны гэрээний 25 жилийн ойн хүрээнд хэрэгжиж буйгаараа онцлог байв.

БНХАУ-ын Дэд дарга Ван Чишань хоёр улсын найрамдалт харилцаанд чухал үүрэг гүйцэтгэсэн хэмээн дараах дөрвөн хүнийг Найрамдлын шагналаар шагнажээ:

  • Монгол Улсаас БНХАУ-д Элчин сайд асан, Монгол Хятадын найрамдлын нийгэмлэгийн Ерөнхийлөгч Г.Батсүх,
  • Монгол Улсаас БНХАУ-д Элчин сайд асан Ц.Сүхбаатар,
  • МУИС-ийн дэргэдэх Күнзийн институтын Монголын талын захирал, Монгол-Хятадын найрамдлын нийгэмлэгийн гүйцэтгэх захирал М.Чимэдцэеэ,
  • Хятадын түүх, соёл судлалын нийгэмлэгийн захирал, Хятад судлаач Х.Баатархүү.

Айлчлалынхаа хүрээнд БНХАУ-ын Дэд дарга Ерөнхий сайд У.Хүрэлсүхтэй хэлэлцээ хийж, хоёр талын хамтын ажиллагааны баримт бичигт гарын үсэг зурсан. Мөн Монгол Улсын Ерөнхийлөгч Х.Баттулгад бараалхаж, УИХ-ын дарга Г.Занданшатартай уулзасан юм.

 

 
GoGo Facebook Хуудас
 
 
УИХ дахь АН-ын зөвлөл Ерөнхийлөгчийг парламентаас сонгох нь зүйтэй гэж үзэж, энэ талаар Үндсэн хуульд оруулах нэмэлт өөрчлөлтөд тусгуулах санал гаргалаа. Таны бодлоор цаашид Ерөнхийлөгчийг иргэд биш парламент сонгох нь зөв үү.
Нийт 248 санал өгсөн байна.

Дээшээ