Монгол Улсын Ерөнхийлөгч Н.Энхбаярт Австрали Улсаас Монгол Улсад суух Онц бөгөөд Бүрэн эрхт Элчин сайд Петер Роуве итгэмжлэх жуух бичгээ барилаа.
Ерөнхийлөгч Н.Энхбаяр: “Таныг Элчин сайдаар ажиллах хугацаанд манай хоёр орны харилцаа хамтын ажиллагаа өргөжин, хөгжинө гэж найдаж байна. Австрали улс манайхаас оюутан сургадагт баяртай байдаг. Эдийн засгийн хамтын ажиллагаа хоёр талын харилцааны чухал хэсэг. Үүн дотор уул уурхайн салбар ихээхэн чухал. Мөн дэлхийн цаг уурын дулаарлын талаар санаачилсан Зүүн хойд Азийн дээд хэмжээний уулзалтыг маань манай хөрш орнуудын Төрийн тэргүүнүүд дэмжиж байгаагаа илэрхийлсэн. Ирэх жил болох энэхүү дээд хэмжээний уулзалтад Автсрали Улс оролцвол баяртай байна” гэв.
Элчин сайд П.Роуве: “Элчин сайдаар томилогдон хоёр дахь удаагаа Монголд ирж байгаадаа баяртай байна. Цаг уурын өөрчлөлтийн асуудал эдийн засгийн хувьд ч, стратегийн хувьд ч чухал ач холбогдолтой. Австрали улс цаг уурын өөрчлөлт, байгаль орчны асуудалд онцгой анхаарал тавьдаг” гээд энэ талаар бүс нутгийн дээд хэмжээний уулзалт санаачилсанд Монгол Улсын Төрийн тэргүүнд талархал илэрхийллээ.
Монгол, Австрали улс дипломат харилцаа тогтоогоод 36 жил болж байна. 2005 онд НҮБ-ын Ерөнхий Ассамблейн 60 дугаар чуулганы үеэр Нью-Йорк хотноо Монгол Улсын Ерөнхийлөгч Н.Энхбаяр Австралийн Ерөнхий сайд Жон Ховардтай уулзсан. Монголд өрнөсөн ардчиллыг Австрали Улс анхнаас нь дэмжиж ирсэнийг ноён Ж.Ховард уулзалтын үеэр цохон тэмдэглээд Монголын эдийн засгийн хөгжилд Австрали оролцох хүсэлтэй бөгөөд Австралийн компаниуд тухайлбал дэлхийн хамгийн том ашигт малтмалын компани болох "Би Эйч Пи Биллитон" хөрөнгө оруулахыг сонирхож байгааг илэрхийлж байсан юм. Харин Ерөнхийлөгч Н.Энхбаяр хоёр орны хооронд өндөр, дээд хэмжээний уулзалтын давтамжийг хадгалах, сургалтын хөтөлбөрийг өргөжүүлэхийг санал болгосон билээ.
Монгол Улсын Ерөнхийлөгчийн Хэвлэл мэдээллийн алба.
Монгол Улсын Ерөнхийлөгч Н.Энхбаярт Австрали Улсаас Монгол Улсад суух Онц бөгөөд Бүрэн эрхт Элчин сайд Петер Роуве итгэмжлэх жуух бичгээ барилаа.
Ерөнхийлөгч Н.Энхбаяр: “Таныг Элчин сайдаар ажиллах хугацаанд манай хоёр орны харилцаа хамтын ажиллагаа өргөжин, хөгжинө гэж найдаж байна. Австрали улс манайхаас оюутан сургадагт баяртай байдаг. Эдийн засгийн хамтын ажиллагаа хоёр талын харилцааны чухал хэсэг. Үүн дотор уул уурхайн салбар ихээхэн чухал. Мөн дэлхийн цаг уурын дулаарлын талаар санаачилсан Зүүн хойд Азийн дээд хэмжээний уулзалтыг маань манай хөрш орнуудын Төрийн тэргүүнүүд дэмжиж байгаагаа илэрхийлсэн. Ирэх жил болох энэхүү дээд хэмжээний уулзалтад Автсрали Улс оролцвол баяртай байна” гэв.
Элчин сайд П.Роуве: “Элчин сайдаар томилогдон хоёр дахь удаагаа Монголд ирж байгаадаа баяртай байна. Цаг уурын өөрчлөлтийн асуудал эдийн засгийн хувьд ч, стратегийн хувьд ч чухал ач холбогдолтой. Австрали улс цаг уурын өөрчлөлт, байгаль орчны асуудалд онцгой анхаарал тавьдаг” гээд энэ талаар бүс нутгийн дээд хэмжээний уулзалт санаачилсанд Монгол Улсын Төрийн тэргүүнд талархал илэрхийллээ.
Монгол, Австрали улс дипломат харилцаа тогтоогоод 36 жил болж байна. 2005 онд НҮБ-ын Ерөнхий Ассамблейн 60 дугаар чуулганы үеэр Нью-Йорк хотноо Монгол Улсын Ерөнхийлөгч Н.Энхбаяр Австралийн Ерөнхий сайд Жон Ховардтай уулзсан. Монголд өрнөсөн ардчиллыг Австрали Улс анхнаас нь дэмжиж ирсэнийг ноён Ж.Ховард уулзалтын үеэр цохон тэмдэглээд Монголын эдийн засгийн хөгжилд Австрали оролцох хүсэлтэй бөгөөд Австралийн компаниуд тухайлбал дэлхийн хамгийн том ашигт малтмалын компани болох "Би Эйч Пи Биллитон" хөрөнгө оруулахыг сонирхож байгааг илэрхийлж байсан юм. Харин Ерөнхийлөгч Н.Энхбаяр хоёр орны хооронд өндөр, дээд хэмжээний уулзалтын давтамжийг хадгалах, сургалтын хөтөлбөрийг өргөжүүлэхийг санал болгосон билээ.
Монгол Улсын Ерөнхийлөгчийн Хэвлэл мэдээллийн алба.