Ц. Амарбаясгалан дэлхийн аварга боллоо

Энэ мэдээг шинэ хувилбараар унших бол арын товч дээр дарна уу
Өнөөдрийн тойм

2008-12-11 09:27 GMT+8

-Монголчууд мутай боксын дэлхийн аваргаа эх орныхоо дэвжээн дээр тосч авлаа-

Өнгөрсөн 9-ний өдөр "Бөхийн өргөө"-нөө олон эрчүүдийн зүрхийг доргиосон тэмцээн болсон билээ. Азийн шилдэг кикбоксчин "Хар салхи" хочит Ц.Амарбаясгалангийн Тайландын тамирчин Компани Сантами Шотомтой хийх мутай боксын халз тулаан үзэгчдээр пиг дүүрсэн танхимд эхэлсэн юм. Өсвөрийн кикбоксчдын үзүүлэх тоглолтыг сонирхсоны дараа Монголын шилдэг найман тамирчны халз тулаан болов. Ялагч тус бүрт 500 мянган төгрөг, цом гардуулсан уг тулаан тун ширүүн өрсөлдөөнтэй болж өнгөрсний эцэст үзэгчдийн хүлээсэн мөч сая ирж мутай боксын дэлхийн аваргын бүсийн төлөөх халз тулаан эхэллээ.

Мутай боксын хагас хөнгөн жингийн дэлхийн аваргын бүсийн төлөөх халз тулаанд өрсөлдө-хөөр Хөх булангаас "Хорт нударга" хочит, Тайландын аварга Компани Сантами Шотом, харин улаан булангаас "Хар салхи" хочит мэргэжлийн кикбоксын дэлхийн аварга Ц.Амарбаясгалан нар рингнээ гарч ирэв.

Ц.Амарбаясгалан кикбоксын рингэнд 42 тулаан хийснээс 32-т нь ялалт байгуулж байсан бол түүний өрсөлдөгч 21 настай Компани Сантами 60 тулаан хийж, 40 удаад нь ялалт байгуулж, 14 удаа тэнцэж, зургаан удаа ялагдал хүлээж байжээ. Ц.Амарбаясгалан, К.С.Шотом нар гурван минутаар таван үе тулалдсан. Энэ таван үеийн турш тэмцэлдээнээс эцсийн раундад жинхэнэ тулаан болж манай тамирчин Ц.Амарбаясгалан илт давуугаар өрсөлдөгчөө ялж, мутай боксын дэлхийн аварга боллоо. Мэргэжлийн кикбоксчин Ц.Амарбаясгалангийн энэхүү ялалт нь эх орондоо зохион байгуулагдсан хоёр тулааны ялалтынх нь нэг юм. Монголчууд ийнхүү мутай боксын дэлхийн аваргаа эх орныхоо дэвжээн дээр тосч авлаа.

GoGo Facebook Хуудас
 
 
УИХ-аар Авто тээврийн тухай хуулийн шинэчилсэн найруулгын төслийг хэлэлцэж байна. 2021 оны нэгдүгээр сарын 1-нээс хэрэгжиж эхлэх уг хуулийн төсөлд буруу талдаа жолооны хүрдтэй автомашиныг хилээр оруулахыг хориглосон заалт бий. Буруу талдаа жолооны хүрдтэй машиныг хилээр оруулахыг хориглохыг Та дэмжиж байна уу?
Нийт 4273 санал өгсөн байна.

Дээшээ