Сайтаар санал авна

МОНЦАМЭ

2008-12-26 15:54 GMT+8

Сүүлийн жилүүдэд манай улсад төдийгүй дэлхий нийтэд харшлын гаралтай арьсны өвчлөл нэмэгдэж байгаа. Хүн амын дунд байгалийн цэвэр бүтээгдэхүүний хэрэглээ багасч бидний өдөр тутмын хэрэглээнд химийн бодис, нийлэг аргаар гарган авсан хоол хүнсний бүтээгдэхүүн ихээр хэрэглэхийн зэрэгцээ өнгө оруулагч, хэлбэржүүлэгч, удаан хадгалахад зориулсан бодис, түүнчлэн сав бөглөө боодол зэрэг нь харшил, хордлого өгөх үндэс суурь нь болдог аж.
Манай улсын хэмжээнд харшлаас үүдсэн арьсны өвчлөл 2003 онд 175 байсан бол 2007 онд 259 болон нэмэгдсэн байна.

Хоол хүнсний бүтээгдэхүүнээс өндөг, хиам, бэлэн хоол, ундаа, жимс жимс-гэнэ, халуун ногоо кимчи зэрэгт илүү харшил өгч байгаа нь судалгаагаар нотлогджээ. Иймээс Арьс судлалын үндэсний төв, Эрүүл мэндийн яам хамтран "Хоол, хүнсний харшил үүсгэгчээс сэргийлье" зөвлөгөөн зохион байгуулах гэж байна. Энэхүү зөвлөгөөнд Нийгмийн эрүүл мэндийн хүрээлэн, Нийслэлийн мэргэжлийн хяналтын газар, Хордлогын яаралтай тусламжийн төв, Эрүүл мэндийн шинжлэх ухааны их сургууль зэрэг байгууллагуудын эрдэмтэн, судлаачид оролцох ажээ.

Мөн зөвлөгөөний үер http://dermatologycenter.gov.mn гэсэн веб сайтаар иргэдийн санал бодлыг авч хариулт өгнө.

Н.Сарнай

GoGo Facebook Хуудас
 
 
МАН-ын даргад эдгээр хүмүүсийн хэнийг нь та дэмжих вэ?
Нийт 2976 санал өгсөн байна.

Дээшээ