Хийсвэр хийлгэж төрсөн хүүхдийн нас баралт хоёр дахин их байна

Өнөөдрийн Монгол

2009-08-07 16:22 GMT+8

Швейцарийн Женев хотын Их сургуулийн эрдэмтдийн судалснаар хийсвэр хагалгаа хийж төрсөн хүүхдүүдийн нас баралт нэмэгдэж байна гэжээ.

Судалгаагаар байгалийн жамаар төрсөн мянган хүүхэд тутмын нэг нь нас бардаг байхад харин хийсвэр хагалгаагаар төрсөн мянган хүүхдийн хоёр нь энддэг байна.

Шалтгаан нь:
-Хийсвэр хагалгааг голцуу төрөх ёстой хугацаанаас өмнө тогтож хийдэг.
-Байгалийн жамаар төрж байгаа хүүхдийн уушгины үйл ажиллагаа илүү сайн байдаг бол харин хийсвэр хийлгэн төрсөн хүүхдийн амьсгалах эрхтэн төдий л сайн байдаггүй.
-Жил ирэх тусам хийсвэр хагалгаа хийлгэх сонирхол өсч байгаа бөгөөд үүнтэй уялдаад хагалгааны явцад үүсэх хүндрэл олширсон. Харамсалтай нь ийм хагалгаа хийсний дараа эх хүүхэд хоёрт эмч нар бүрэн дүүрэн ойлголт өгдөггүй хайхрамжгүй ханддаг гэнэ.

Уг дүгнэлтийг Женевийн их сургуулийн эрдэмтэн судлаачид бүтэн арван хоёр жилийн турш нийт 56 649 төрөлтийг ажиглан судалсны эцэст гаргасан билээ.

Дэлхийн хэмжээнд энэ төрлийн хамгийн өргөн хүрээг хамарсан гэж тооцогдож байгаа энэхүү судалгаанд жирэмслэлтийн 34-өөс бага долоо хоног тээлттэй төрсөн хүүхдүүдийг анхаарч ажигласан байна. Тэдний үзэж байгаагаар 22 жилийн дараа хийсвэр хагалгаа хийлгэх хүний тоо 20 хувиар өсгөх гэнэ.

Хийсвэр хагалгаагаар төрсөн хүүхдүүдийн ихэнхи нь бүтэлттэй төрдөг бөгөөд тэдний 1\4 нь төрсний дараа сэхээн амьдруулах тасагт эхлээд шилждэг гэсэн баримт байна.

Эмч эрдэмтэд одоо аль болох хийсвэр хагалгаа хийлгүүлэхээс татгалзах нь зүйтэй хэмээн эхчүүд эмэгтэйчүүдэд зөвлөж байна. Ийм хагалгааг зайлшгүй тохиолдолд жирэмслэлтийн хоногоо гүйцсэн бол зөвшөөрч болох юм. Өөрөөр хэлбэл жирэмсэн эх хүүхдээ дор хаяж 38 долоо хоног тээсэн байх ёстой гэсэн үг. Харин төрөх хугацаанаас өмнө товлож хийлгэх нь эрсдэлтэй гэдэг нь тодорхой болжээ.

GoGo Facebook Хуудас
 
 
Согтуугаар тээврийн хэрэгсэл жолоодсон этгээдэд хөдөлмөрийн хөлсний доод хэмжээг 2 нийлүүлсэнтэй ижил хэмжээний мөнгөн торгууль (384 мянган төгрөг) ногдуулж, жолоодох эрхийг 6 сараас 2 жил хүртэлх хугацаагаар хасах гэсэн заалттай хуулийн төсөл өргөн барьсан. Та үүнийг дэмжих үү?
Нийт 314 санал өгсөн байна.

Дээшээ