Эцэгтээ найман жил хүчирхийлүүлсэн 15 настай охинд туслацгаая

Зууны мэдээ

2009-12-08 14:41 GMT+8

-Сайхан сэтгэл унтдаггүй-

Манай сонины арванхоёрдугаар сарын 1-ны мягмар гарагийн 280 /3353/ дугаарт “Гүнж” төвийн тэргүүн Ч.Ундрах: “Долоохон настайгаас нь бүтэн найман жил хүчирхийлнэ гэдэг санаанд багтамгүй” гарчигтай ярилцлага нийтлэгдсэн билээ.

...Араасаа гурван дүү дагуулж ирсэн өргөмөл охиныг үрчилж авсан эцэг эх нь байнга гадуурхаж, зоддог байжээ. 11-хэн сартайдаа энэ айлын босгыг алхсан түүнийг ганц өмгөөлж, хамгаалдаг эмээ нь нас барснаар охины зовлонт амьдрал эхэлсэн байна. Гэрийн хар бор бүх ажлыг хийж, дүү нараа харах охиныг эцэг эх нь зодох, гадуурхаж, дарамтлах бол энүүхэнд. Түүнийг долоохон настай байхад согтуу эцэг нь хүчиндсэн ч өмгөөлж, хамгаалах хүнгүй, хэнд хандах, юу хийхээ мэдэхгүй явсаар охин 15 нас хүрчээ. Найман жилийн турш балмад эцэгтээ хүчирхийлүүлсэн охин азаар сайхан сэтгэлтэй хүмүүстэй таарч, “Гүнж” төвийнхөнд мэдэгдэн, хөөцөлдсөөр түүнийг хотод авчирсан байна. Аймгийн шүүхээс охиныг гэр бүлийн хүчирхийлэл, дарамтад байсныг тогтоож, үрчилж авсан эцэг эхийнх нь аав ээж байх эрхийг зургаан сараар хассан шийдвэр гаргажээ. Одоо өргөмөл охиноо найман жилийн турш хүчирхийлсэн хэргийг нь аймгийн цагдаа шалгаж байгаа юм байна. Охин хоёр настайгаасаа нугаралтаар хичээллэж, дугуйланд явдаг байсан ч эмээгээ өнгөрснөөс хойш орхисон байна. Тиймээс “Гүнж” төвийнхөн охиныг Циркийн уран нугаралтын дугуйланд шалгуулахад тэнцсэн ч төлбөрийг нь төлж чадахгүй байгаа аж. Мөн байнгын зодуур, дарамтаас болоод хүнтэй харилцах чадвар, ой тогтоолт муутай болсон охинд сэтгэлзүйн болоод эрүүл мэндийн эмчилгээ, үйлчилгээ шаардлагатай байгаа юм байна.…

Нийтлэлийн дагуу охинд туслахаа илэрхийлэн сайхан сэтгэлт олон хүн хандаж байна. Тиймээс “Зууны мэдээ” сонин, “Гүнж” төвтэй хамтран “Сайхан сэтгэл унтдаггүй” аяныг эхлүүллээ. Та охиныг олны дунд нийгэмших, хүсэл мөрөөдлөө биелүүлж, амьдралд хөлөө олоход нь туслахыг хүсвэл “Хас” банкны 21000158 /төгрөгийн /, 23000036 /валютын/ тоот дансанд хандив өгөөрэй.

Сэтгэгдэл:

Зочин:
Данс хурдан нээчихвэл би гэр бүлийнхээ өмнөөс мөнгө хандивламаар байна. Сэтгэлийн дэм их чухал. Хөөрхий охины ирээдүй гэрэлтэй байх болно. Зовсоны эцэст жаргадаг гэдэг. Сайн цаг, сайхан амьдрал, сайхан хүмүүс, сайхан хайр энэ охины ирээдүйд ирэх л болно.

Зочин:
Данс нээчихвэл би лав туслахад бэлэн байна. Мэдэгдээрэй.

Зочин:
Би Канадаас бичиж байна. Энэ ажлыг санаачлан хийсэн та бүхэнд баярлалаа. Манай улсын эдийн засгийн боломжтой хүмүүс нь ийм хүүхдүүдийг нийгэмшүүлж авахад тусалдаг жишиг бий юу. Ер нь цаашдаа энэ сэдвийг гүнзгийрүүлэн судлах нь зөв. Иргэншүүлж, нийгмийн хүн болгоход нь энэ охинд тусалмаар байна. Дансны дугаарыг нь бичээрэй.

Зочин:
Тэр өргөсөн аав нь адгуус юм уу хаашаа амьтан бэ. Эхнэр нь ч эрүүл хүн биш байна. Нөхрөө хамгаалаад байвал хамт хэрэгт татах хэрэгтэй юм биш үү.

Зочин:
Манай нутагт байсан бол тэр аавыг нь мөн сайн зодох юмсан. Тэр нутгийнхан нь юугаа хийж байдаг байнаа. Бээлийн чинээ ганц охиныг хараад, хамгаалаад байж чадахгүй. Хэрэв нутаг ус, нэрийг чинь мэдээд авбал хэзээ нэгэн цагт зорьж очоод чамд чадалтай хүнд дээрэлхүүлэхэд ямар байдгийг, өвдөхөд хүнд байдгийг, уйлахад ямар байдгийг насандаа мартахгүй болтол чинь үзүүлээд өгнөө.

Зочин:
Улс нь иргэнийхээ төлөө юм хийх цаг нь болоод байгаа юм биш үү.

Зочин:
Би Сингапурт ажиллаж, амьдардаг залуу байна. Банкныхан энэ ядарсан, зовж буй охинд MNT, USD хандивын данс нээгээд өгөөч. Гадна дотноос хүмүүс халуун сэтгэлээр туслая гэж байна. “Гүнж” төвийнхөн одоо хэрэглэхийг нь хэрэглүүлээд, ирээдүйд хэрэглэхийг нь хадгалаад сайн зохицуулаад өгөөрэй. Би ч бас данс нээвэл боломжоороо мөнгө шилжүүлж охинд туслая.

Зочин:
Тийм новшийн амьтдыг шоронд хийх хэрэгтэй. Арай ч дээ. Хүний жаахан үрийг…

Зочин:
“Гүнж” төвийн хамт олонд чин сэтгэлээсээ талархаж байна. Үнэхээр нийгмийн халамжийн систем муу. Нялх балчир охид хүүхдийн эрх хаа сайгүй хөндөгдөх, эргээд нийгэмшүүлэх зэрэгт мэргэжлийн боловсон хүчин ба хөрөнгө мөнгөний гачаалтай. Гэхдээ сайхан болно биз дээ.

Зочин:
Эцэг эхчүүдэд анхааруулахад өөрийн төрсөн үрийг ямар ч хүнд хэцүү, боломжгүй амьдралтай байсан хүнд битгий өргүүлээрэй. Бурханаас заяасан үр хүүхдийг бусдад өргүүлж үйлийн үрийг нь зузаатгах хэрэггүй шүү. Энэ бяцхан охины тухай уншаад бүр сэтгэл үймэрчихлээ. Дэндүү нялх амьтан байна шүү дээ. Охинд туслах данс банканд нээчихвэл би нэг өдрийн цалингаа хандивлая.

Зочин:
Би Лондонгоос бичиж байна. Ийм олон жил хөөрхий охин их зовжээ. Би өөрөө охинтой болохоор түүнийг өрөвдөөд бүр уйлчихлаа. Та нар данс нээвэл би бас тэр охинд тусламаар байна. Тэр өргөж авсан аав, ээжид нь бас хариуцлага тооцох хэрэгтэй. Өөрөө эмэгтэй хүн байж өөдгүй юм бэ. Араатан нөхрийг нь олны нүдэн дээр засах хэрэгтэй.

Зочин:
Ийм нялх амьтныг хүчирхийлж байдаг ёстой мангас юм даа. Яаж санаанд нь бууж байна аа. Тэр эрийг цаазаар ав. Ийм хүйтэн сэтгэлтнүүдийг өршөөж ердөө ч болохгүй. Саяхан Польш улс нялх хүүхдийг садар самуунд уруу татсан хүнийг тайган болгох хууль гаргасан байна лээ. Манай улс юугаараа дутдаг юм. Нэг хүнийг л олны нүдэн дээр хуулийн том арга хэмжээ авахад бусад тэнэг толгойтнууд яс махандаа ортол цочих болно.

Зочин:
Би хичээлийнхээ хажуугаар ажилладаг оюутан. Охинд сэтгэлээсээ 10 мянган төгрөг хандивлая гэж бодож байна.

Зочин:
Би мөнгө /100$/ хандивламаар байна. Бусад газраас ийм хүчирхийлэлд орсон хүүхэд, эмэгтэйчүүдийг илрүүлж туслах үйлсэд чинь амжилт хүсье. Тэнэгүүдийг хамгийн хатуугаар шийтгэ. Нийгмийг зэрлэг балмад болгож байгаа хүмүүс чинь энэ муусайнууд шүү.

Зочин:
Ийм сайхан сэтгэлтэй хүмүүс захаасаа аваад зөндөө байхад охин сайн явах байхаа. Хөөрхий минь түүнийг төрсөн ээж нь хурдан аваасай даа. Сэгсгэр ч гэсэн ээж минь гэдэгсэн…

Зочин:

Түрүүлсэн ээж нь хаана байгаа бол хурдан олоосой. Дүү нараа санаж байна гэдэг их муу даа. Өөрөө буцаад очих вий дээ. Хэн нэгнийг санана гэдэг чинь л хүний сэтгэлийг тогтворгүй болгодог. Ядаж байхад манайд иймэрхүү байдалтай хүн нуугдах арга байдаг юм уу. Аймаг даяараа мэдсэн, гадагшаа гарах аргагүй болсон гэдэг их айлгаж байна даа. Данс нээх саналыг дэмжиж байна.

Х.Монголхатан

GoGo Facebook Хуудас

ХОЛБООТОЙ МЭДЭЭ

 
 
Та хувийн эмнэлэгт хүүхдээ үзүүлэхдээ сэтгэл хангалуун байдаг уу?
Нийт 2611 санал өгсөн байна.

Дээшээ