“AIBA president cup”-д Монголын боксчдыг гадуурхжээ

Энэ мэдээг шинэ хувилбараар унших бол арын товч дээр дарна уу
GoGo.mn

2009-12-15 10:48 GMT+8

AIBA” –гийн ерөнхийлөгчийн цомын нэрэмжит тэмцээн өндөрлөж, Монголын ширэн бээлийтнүүд эх орондоо ирлээ. Тэмцээний эхний өдөр У.Мөнх-Эрдэнэ 7:0, З.Энхзориг 6:1, С.Эрдэнэбаяр 7:3-аар ялагдсан.

Тэмцээний хоёр дахь өдөр 51кг-д дэлхийн аваргын мөнгөн медальт Н.Төгсцогт Бакyгийн рингэд тодорхойгүй шалтгаанаар гараагүй талаар өмнө нь мэдээлсэн. Ингээд энэ талаар боксын шигшээ багийн ахлах дасгалжуулагч Д.Бандиас тодрууллаа.

-Н.Төгсцогт яагаад рингэд гарч тоглосонгүй вэ. Америкийн нэгдүгээр шигшээд багтсан тамирчинтай оноолт таарсан байсан?
-“AIBA president cup” –д манай боксчдын оноог маш их дарсан. У.Мөнх-Эрдэнэ эхний тойрогт Америкийн нэгдүгээр шигшээгийн тамирчинтай оноолт таарсан. Манай тамирчин эхний хоёр үе маш сайн, өрсөлдөгчөөсөө илүү тоглосон. Гэтэл шүүгчид улаан цайм өрсөлдөгчид нь оноо өгөөд У.Мөнх-Эрдэнэд нэг ч оноо өгөөгүй. Тэгээд шүүгчдийн луйвар булхайг эсэргүүцэж, Төгсцогтыг дэвжээнд гаргаагүй. Гаргаад дахиад оноо өгөхгүй бол яах юм.

-Манай боксчдод яагаад ингэж хандаж байгаа юм бол?
-Саяны тэмцээн тэр чигээрээ булхай луйвар болж өндөрлөсөн. Ирэх жил Олон улсын сонирхогчийн боксын холбооны ерөнхийлөгчийн ээлжит сонгуультай. Тэгээд үүнээсээ болоод бөөн л бужигнаан луйвар болж байна.

Б.Ирээдүй

GoGo Facebook Хуудас
 
 

Дээшээ