Цаг агаарын мэдээ

GoGo.mn

2010-01-22 17:57 GMT+8

Малчид, ард иргэд, тээвэрчидэд зориулсан мэдээ:
Маргааш ихэнх нутгаар хүйтний эрч суларч, 24-нд нутгийн зүүн хагаст хүйтэн салхи шуургатай байна.
               
2010 оны 01 дүгээр сарын 22-ны 20 цагаас 01 дүгээр сарын 23-ны 20 цаг хүртэлх цаг агаарын урьдчилсан мэдээ:
Баруун аймгуудын нутгаар:
Солигдмол үүлтэй. Цас орохгүй. Салхи зүүнээс баруун хойш эргэж секундэд 4-9 метр, өдөртөө зарим газраар секундэд 12-14 метр хүрч явган шуурга шуурна. Их нууруудын хотгор, Идэр, Тэс, Буянт, Байдраг голын сав газраар шөнөдөө 33-38 градус, өдөртөө 20-25 градус, бусад нутгаар шөнөдөө 25-30 градус, өдөртөө 12-17 градус хүйтэн байна.

Төвийн аймгуудын нутгаар: Үүлшинэ. Шөнөдөө цас орохгүй. Өдөртөө нутгийн хойд хэсгээр цас орно. Салхи зүүн өмнөөс баруун хойш эргэж секундэд 5-10 метр, өдөртөө зарим газраар секундэд 12-14 метр хүртэл ширүүсч явган шуурга шуурна. Дархадын хотгороор шөнөдөө 32-37 градус, өдөртөө 23-28 градус, Хараа, Ерөө, Сэлэнгэ, Туул, Тэрэлж голын сав газраар шөнөдөө 26-31 градус, өдөртөө 17-22 градус, бусад нутгаар шөнөдөө 20-25 градус, өдөртөө 10-15 градус хүйтэн байна.

Зүүн аймгуудын нутгаар:
Солигдмол үүлтэй. Цас орохгүй. Салхи баруунаас секундэд 5-10 метр. Шөнөдөө Хэрлэн, Халх голын саваар 27-32 градус, бусад нутгаар 23-28 градус, өдөртөө бүх нутгаар 11-16 градус хүйтэн байна.

Отрын нутаг хэрлэн-баян-улаан орчмоор: Үүлшинэ. Цac орохгүй. Салхи баруун хойноос секундэд 6-11 метр, өдөртөө салхи 12-14 м/с хүрч ширүүснэ,  Шөнөдөө 24-26 градус, өдөртөө 12-14  градус хүйтэн байна.

Говийн аймгуудын нутгаар: Солигдмол үүлтэй. Цас орохгүй. Салхи зүүн хойноос секундэд 5-10 метр, өдөртөө зарим газраар секундэд 12-14 метр хүртэл ширүүсч, явган шуурга шуурна. Шөнөдөө 21-26 градус, өдөртөө 10-15 градус хүйтэн байна.

Улаанбаатар хот:
Үүлшинэ. Цас орохгүй. Салхи зүүн өмнөөс секундэд 5-10 метр. Шөнөдөө 23-25 градус, Яармаг-Сонгины орчмоор 29-31 градус, өдөртөө 12-14 градус хүйтэн байна.
                               
2010 оны 01-р сарын 24-нөөс  01-р сарын 28-ныг хүртэлх цаг агаарын урьдчилсан төлөв:  
24-нд нутгийн зүүн хагаст, 25-нд баруун зүгийн нутгийн баруун хэсгээр, 26-нд зарим газраар, 27-нд нутгийн өмнөд хэсгээр цас орно. Салхи 24, 27-нд говь талын нутгаар, 26-нд зарим газраар түр зуур секундэд 16-18 метр хүртэл ширүүсч, цасан шуурга шуурна. Увс нуур болон Дархадын хотгор, Идэр, Тэс, Буянт, Байдраг голын сав нутгаар шөнөдөө 33-38 градус, өдөртөө 23-28 градус, Хараа, Ерөө, Орхон, Сэлэнгэ, Туул, Хэрлэн, Халх голын саваар шөнөдөө 26-31 градус, өдөртөө 17-22 градус, говийн нутгийн өмнөд хэсгээр шөнөдөө 15-20 градус, өдөртөө 5-10 градус, бусад нутгаар шөнөдөө 22-27 градус, өдөртөө 13-18 градус хүйтэн байна.

GoGo Facebook Хуудас
 
 
Та хувийн эмнэлэгт хүүхдээ үзүүлэхдээ сэтгэл хангалуун байдаг уу?
Нийт 2398 санал өгсөн байна.

Дээшээ