Их дэлгүүрт хуурамч “Коко Шанел” худалдаалж байна гэв

"НИЙГМИЙН ТОЛЬ"

2010-10-06 16:07 GMT+8

Улсын их дэлгүүрт “Коко Шанел” брэндийн үнэртэй усыг дуурайлган хийсэн хуурамч сүрчиг зарж байгаа талаар иргэн...манай сонинд хандсан юм.

Тэрбээр өнгөрсөн наймдугаар сард их дэлгүүрээс “Коко Шанел” брэндийн 158 мянган төгрөгийн үнэтэй сүрчиг худалдан авч хэд хоногийн дараа хэрэглэхэд урьд өмнө хэрэглэдгээс чанар муутай байсан аж. Үйлчлүүлэгч Коко Шанел брэндийн байнгын хэрэглэгч юм байна.

Шанел сүрчгийг түрхсэн үед  2-3 хоног анхилуун үнэрээ хадгалдаг аж. Гэтэл иргэн .. хэрэглэхэд үнэрээ нэг ч өдөр  хадгалж чадаагүй байна. Энэ талаар Их дэлгүүрийн нэг давхарт байрлах “Коко Шанел” брэндийн сүрчигний лангууны худалдагчаас тодрууллаа.

-Танайхаас худалдан авсан “Коко Шанел” брэндийн бүтээгдэхүүнийг дуурайлган хийсэн хуурамч  сүрчгийн талаар та юу хэлэх вэ?
-Манайх шанел брэндийн сүрчгийг Герман улсаас авдаг. Гомдол, санал нэг их ирдэггүй. “Коко Шанел”-ийн лангуу Их дэлгүүрт ганц л байдаг. Манайх үйл ажиллагаа эхлээд 6-7 жил болж байна.

-Бүтээгдэхүүн хуурамч байх тохиолдолд танай зүгээс ямар арга хэмжээ авдаг вэ. Үнэтэй бүтээгдэхүүнд баталгаа өгдөг үү?
-Үйлчлүүлэгч худалдан авсан бүтээгдэхүүнээ нэг хонуулсан тохиолдолд эргээд буцаах боломжгүй. Манайх баталгаа өгдөггүй. Мөн гадаадаас авчирч байгаа бүтээгдэхүүний хуурамч, жинхэнэ эсэхийг бид мэдэх боломжгүй. Гадаадаас ирсэн бүтээгдэхүүн нэг нэг ширхэг л байдаг.

Г.Батдулам http://www.niigmiintoli.mn/

GoGo Facebook Хуудас
 
 
Та хувийн эмнэлэгт хүүхдээ үзүүлэхдээ сэтгэл хангалуун байдаг уу?
Нийт 2417 санал өгсөн байна.

Дээшээ